"ކޯލް އޮފް ޑިއުޓީ" ވީޑިއޯގޭމްގެ ކުރިއަށް އޮތް ބައި މައިކްރޮސޮފްޓުން އެ ކުންފުނީގެ ސަބްސްކްރިޕްޝަން ހިދުމަތަށް ނެރުމަށް ތައްޔާރުވަމުން އަންނަކަމަށް ޓެކް ރިޕޯޓްތައް ބުނެފިއެވެ.
މި ޕްލޭންތަކަކީ ޕްރައިވެޓް ޕްލޭންތަކަކަށް ވާތީ، ޖޫން މަހުގެ ނުވަވަނަ ދުވަހު ބޭއްވުމަށް ހަމަޖެހިފައިވާ އެ ކުންފުނީގެ އަހަރީ އެކްސްބޮކްސް ޝޯކޭސްގައި އެކަން އިއުލާނު ކުރާނެ ކަމަށް ބެލެވޭ ކަމަށް ރިޕޯޓްތައް ބުނެއެވެ.
ވޯލް ސްޓްރީޓް ޖާނަލްއިން މިޚަބަރު އެންމެ ފުރަތަމަ ރިޕޯޓްކޮށްފައިވާއިރު، އެނޫހުން ބުނީ މައިކްރޯސޮފްޓްގެ އަހަރީ ޝޯވް ގައި އެހުރިހާ ތަފްޞީލެއް އިއުލާންކުރާނެކަމަށް ބެލެވޭކަމަށެވެ.
މައިކްރޮސޮފްޓުން "ކޯލް އޮފް ޑިއުޓީ" ހޯދީ މިދިޔަ އަހަރުގެ ފަހުކޮޅު 69 ބިލިއަން ޑޮލަރުގެ އެއްބަސްވުމެއްގެ ދަށުން އެކްޓިވިޝަން ބްލިޒާޑް ގަނެގެންނެވެ.
އެންމެ ކާމިޔާބު މުނިފޫހިފިލުވުމުގެ ޕްރޮޕަޓީތަކުގެ ތެރޭގައި ހިމެނޭ ފަސްޓް ޕާސަން ޝޫޓާ ވީޑިއޯ ގޭމަކީ 30 ބިލިއަން ޑޮލަރަށް ވުރެ ބޮޑު އާމްދަނީއެއް ހޯދައި، ލައިފްޓައިމް ރެވެނިއުގެ ފައިދާތަކާ ގުޅިފައިވާ ގޭމެކެވެ.
އެކްޓިވިޝަން އިން ވަނީ ފާއިތުވި އަހަރުތަކުގައި އަހަރަކު ގާތްގަނޑަކަށް 70 ޑޮލަރަށް މި ގޭމްގެ އާ އެޑިޝަންތައް ނެރެފައެވެ.
މައިކްރޮސޮފްޓުން ގޭމް ޕާސްގެ ނަމުގައި ސަބްސްކްރިޕްޝަން ހިދުމަތެއް ހިންގަމުން އަންނައިރު، އެ ހިދުމަތަކީ އެކްސްބޮކްސް އާއި އެހެނިހެން ޑިވެލޮޕަރުންގެ އަތުން ފީއަކަށް ގޭމްތައް ލިބޭނެ ހިދުމަތެކެވެ.
ޖަޕާނުގެ ވާދަވެރި ސޮނީ ކުންފުނިން އުފެއްދި ޕްލޭސްޓޭޝަން ކޮންސޯލްތަކުގެ ބާރު ކަނޑުވާލުމަށް ކުރަމުންދާ މަސައްކަތުގެ ދަށުން ނެޓްފްލިކްސް ސްޓައިލްގެ ގޭމް ސަބްސްކްރިޕްޝަން ހިދުމަތްތައް އުފެއްދުމަށް ވޮޝިންޓަންގެ ރެޑްމޮންޑުން ވަނީ ފަހަކަށް އައިސް މަސައްކަތް ކޮށްފައެވެ.
މައިކްރޮސޮފްޓުން ފެބްރުއަރީ މަހު ބުނީ ގޭމް ޕާސްގެ ސަބްސްކްރައިބަރުންގެ އަދަދު 34 މިލިއަނަށް އަރާފައިވާ ކަމަށާއި، މިއީ 2022 ވަނަ އަހަރު އެ ކުންފުނިން ރިޕޯޓްކުރި 25 މިލިއަން ކަސްޓަމަރުންގެ އަދަދާ އަޅާބަލާއިރު ބޮޑު ކުރިއެރުމެއް ކަމަށެވެ.
އެނަލިސްޓުން ބުނާ ގޮތުގައި ބޮޑު އަދި ވަފާތެރި ފޭން ބޭސްއެއް ހިމެނޭ ފްރެންޗައިޒެއް ކަމަށްވާ "ކޯލް އޮފް ޑިއުޓީ" ތައާރަފްކުރުމުން ގޭމް ޕާސް އަށް ގިނަ ބަޔަކު ޝައުގުވެރިވެ، ޓައިޓަލްގެ ސަބަބުން ލިބޭ ޖުމްލަ ސޭލްސްއަށް އަސަރު ކުރާނެއެވެ.
ނޮވެމްބަރު 2023 ގައި ރިލީޒްކުރި "ކޯލް އޮފް ޑިއުޓީ: މޮޑާން ވޯފެއާ 3" އަކީ މި އަހަރުގެ މިހާތަނަށް ދެވަނައަށް އެންމެ ގިނައިން ވިކުނު ގޭމެވެ. އެންމެ ގިނައިން ވިކުނު ގޭމްގެ މަޤާމް އޮތީ ސޮނީގެ "ހެލްޑައިވާސް 2" ގައެވެ.