ޑިޒްނީގެ ކްލެސިކް "ލަޔަން ކިންގް"އަށް ބިނާކޮށް އުފެއްދި ލައިވް އެކްޝަން ފިލްމުގެ ޕްރިކުއަލް "މުފާސާ"ގެ ރޯލަށް ބިޔޯންސޭގެ ދަރިފުޅު ބްލޫ އައިވީ ހަމަޖައްސާފައިވާކަން ހާމަކޮށްފިއެވެ.
ބިޔޯންސޭގެ ދޮށީ ދަރިފުޅު ބްލޫ އައިވީ މަޑުމަޑުން ހޮލީވުޑްގެ ތެރެއަށް ވެއްދުމަށްޓަކައި އޭނާގެ މަންމަ އަންނަނީ މަސައްކަތް ކުރަމުންނެވެ. އެގޮތުން، ބިޔޯންސޭގެ ޓުއާ ޕަފޯމެންސްތަކުގައި ވެސް އަންނަނީ އޭނާ ބައިވެރިކުރަމުންނެވެ.
އުމުރުން 12 އަހަރުގެ އައިވީގެ ފުރަތަމަ ހޮލީވުޑް ޕްރޮޖެކްޓު މިހާރު އާންމުންނަށް ފެނުމާ ވަނީ ގާތްވެފައެވެ. އެގޮތުން އައިވީ އެންމެ އަވަހަށް ފެންނާނީ ޑިޒްނީގެ މުފާސާގެ ވޮއިސް އެކްޓަރެއްގެ ރޯލުންނެވެ. އެ ފިލްމުގައި އައިވީ އަޑު އަޅާނީ "ކިއާރާ" ނަމަކަށް ކިޔާ ކެރެކްޓަރަކަށެވެ.
ކިއާރާއަކީ ލަޔަން ކިންގް ކަމަށްވާ ސިމްބާއާއި ނާލާއަށް ލިބިފައިވާ ދަރިއެވެ. ނާލާގެ ރޯލަށް އަޑު އަޅާނީ އައިވީގެ މަންމަ ބިޔޯންސޭއެވެ.
"މުފާސާ" ކިޔާ މި ޕްރީކުއަލް އިއުލާނު ކޮށްފައިވަނީ 2020 ވަނަ އަހަރުއެވެ. މި ފިލްމުގައި, "މުފާސާ" ކެރެކްޓަރަށް އަލިއަޅުވާލާނެއެވެ.
މި ފިލްމުގެ ފުރަތަމަ ޓްރެއިލާ މިހާރު އާންމުކޮށްފައިވާއިރު މި ފިލްމު ރިލީޒްކުރުމަށް ހަމަޖެހިފައިވަނީ މި އަހަރުގެ ޑިސެމްބަރު މަހު 20 ވަނަ ދުވަހުގައެވެ.
"ލަޔަން ކިންގް"ގެ ޕްރިކްއެލްގެ ސްކްރީންޕްލޭ ލިޔެފައިވަނީ ޖެފް ނަތަންސަނެވެ. މި ފިލްމު ޕްރޮޑިއުސް ކޮށްފައިވަނީ ޖޮން ފެވެރޯއެވެ. ޖޮންއަކީ އޮސްކާގައި އެންމެ މޮޅު ފިލްމު އެވޯޑު ހޯދި "މޫންލައިޓް" ތައްޔާރުކުރި ޑައިރެކްޓަރެކެވެ.