ދާދި ފަހުން ފިލްމެއްގެ މަސައްކަތުގައި އުޅެނިކޮށް އަތަށް ލިބުނު އަނިޔާއާ އެކު ވެސް ބޮލީވުޑްގެ އެކްޓަރު ވިކީ ކޯޝަލްގެ ކަސްރަތު ކުލާސްތައް ދޫކޮށްނުލެވުނެވެ.
ވިކީގެ ކުރިއަށް އޮތް ފިލްމު "ޗާވާ"ގެ ސެޓުގައި އެކްޓަރުގެ އަތުގެ ފަލަ މަސްގަނޑަށް އަނިޔާވެ އަތުގެ މަސްގަނޑު ވަނީ ވަރަށް ބޮޑަށް ފަޅައިގެން ގޮސްފައެވެ. އެހެންނަމަވެސް އެ ހާލުގައި ވެސް އާމް ކާސްޓަކާ އެކު ޖިމްގައި ހަރަކާތްތެރިވެއެވެ.
މިދިޔަ އަހަރުގެ ޑިސެމްބަރު މަހު ރިލީޒްކުރި ފިލްމު "ސާމް ބަހާދުރު"ގެ ލީޑް އެކްޓަރު އިންސްޓަގްރާމް ޕޯސްޓަކާއެކު ބުނީ، ރިކަވަރީ މޯޑްގައި އޮތް ނަމަވެސް ޖިމްގެ ސެޝަންތައް ދޫކޮށްލުމަށް ޒަމީރު އެއްބަސްނުވި ކަމަށެވެ. ވިކީ ކޯޝަލް އަކީ، ދުޅަހެޔޮ ސިއްހަތެއްގައި ދެމިހުރުމަށް ކަސްރަތު ކުރުމަށް ވަރަށް އިސްކަންދޭ އެކްޓަރެކެވެ. ވިކީ އެކޭ އެއްގޮތަށް އަންހެނުން، ބަތަލާ ކެޓްރީނާ ކައިފަކީ ވެސް ހަށިގަނޑު ދުޅަހެޔޮކޮށް ބެހެއްޓުމަށް އިސްކަންދީ އެކުގައި އުޅޭ އެކުވެރިންނަށް ވެސް ދުޅަހެޔޮ ސިއްހަތެއްގައި ދެމިހުރުމަށް މަސައްކަތް ކުރަން ހިތްވަރުދޭ ބަތަލާއެކެވެ.
ފިލްމީ ތަރި ވިކީ ކޯޝަލް އަތަށް ލިބުނު އަނިޔާއާ އެކު ޖިމްގައި-- ފޮޓޯ/ ބޮލީވުޑްހަންގާމާ
އެކްޓަރު ވިކީ ކޯޝަލްއަށް ފިލްމު "ޗާވާ"ގެ ސެޓުގައި ލިބުނު އަނިޔާތަކާ ގުޅިގެން ފިލްމުގެ މަސައްކަތް ވަނީ ވަގުތީ ގޮތުން މެދުކަނޑާލައިފައެވެ.
ބަތަލާ ރަޝްމިކާ މަންދަންނާއާ އެކު ވިކީ މުހިއްމު ރޯލް ކުޅޭ މި ފިލްމަށްފަހު ދެން އެންމެ އަވަހަށް މަސައްކަތް ފަށަން ނިންމާފައިވަނީ ޑައިރެކްޓަރު ސަންޖޭ ލީލާ ބަންސާލީގެ ފިލްމު "ލަވް އެންޑް ވޯ"ގައެވެ. ބަންސާލީގެ ފިލްމުން ވިކީއާ އެކު މުހިއްމު ރޯލުތަކުން ފެންނާނީ އެކްޓަރު ރަންބީރު ކަޕޫރު އަދި އާލިއާ ބަޓްއެވެ.