ފުށިދިއްގަރު ފަޅު ހިއްކުމުގެ މަޝްރޫއު ހިންގާނީ، ބިން ހިއްކާ ސްރީލަންކާގެ ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީ)އަށް 70 ހެކްޓަރުގެ ބިން ދީގެން ކަމަށް އާބަންކޯއިން ބުނެފިއެވެ.
މި މަޝްރޫއު ހިންގާ ގޮތުގެ ތަފްސީީލް ހާމަކުރުމަށް ބޭއްވި ނޫސްވެރިންގެ ބައްދަލުވުމުގައި ކުންފުނީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ވިދާޅުވީ މިއީ ޕްރޮގްރެސިވް ޑިވެލޮޕްމަންޓު އުސޫލުން ހިންގާ މަޝްރޫއެއް ކަމަށެވެ.
ފަޒުލް ވިދާޅުވީ މި މަޝްރޫއަށް ސީއެމްސީން ފައިސާ ހޯދާނީ ހިއްކާ ބިން އިތުރަށް ތަރައްގީކޮށްގެން ނުވަަތަ ވިއްކައިގެން ކަމަށެވެ.
އެހެންކަމުން މި މަޝްރޫއުގެ ސަބަބުން އާބަންކޯގެ ކޭޝް ފްލޯއަށް އެއްވެސް ދަތިކަމެއް ނާންނާނެކަމަށް އޭނާ ވިދާޅުވިއެވެ. މިއީ އެ ކުންފުންޏަށް ލޯނު ލިބުމާއި އެ ނޫން ކަންކަމަށް ފަހިވެ ބޭރު އިދާރާތަކުގެ ކުރިމަތީ އިތުރަށް ކުންފުނީގެ އަގު މަތިވާނެ ކަމެއް ކަމަށް ވެސް އޭނާ ވިދާޅުވިއެވެ.
"ޕްރޮގްރެސިވް ޑިވެލޮޕްމަންޓަކާއެކީ ފައިސާ ދައްކާ އުސޫލުން ސަރުކާރުގެ އެއްވެސް ބައިވެރިވުމެއް ނެތި އަޅުގަނޑުމެން ކުންފުނިން ޒިންމާވާ ގޮތަށް ކޯޕަރޭޓް ގެރެންޓީއަކާއެކު ފަށާ މަޝްރޫއެއް މިއީ،.. ބިން ވިއްކައިގެން ނުވަތަ އެ އެއްބަސްވެވޭ ޑިވެލޮޕްމަންޓް ޕްލޭނާ އެއްގޮތަށް އެ ތަނެއްގެ ބިން ވިއްކައިގެން އަޅުގަނޑުމެން އަގު އަދަައިކުރާ ގޮތަށް އެއް ކަމަކަށް މި ކަން މި ކުރަނީ،" ފަޒުލް ވިދާޅުވިއެވެ.
އޭނާ ވިދާޅުވީ މިހާރު ސީއެމްސީއަށް 10 ހެކްޓަރުގެ ބިން ހުޅުމާލެއިން ދީފައިވާކަމަށެވެ. އަދި ފުށިދިއްގަރު ފަޅުން 60 ހެކްޓަރުގެ ބިން ދޭނެކަމަށެވެ. އެއީ 49 އަހަރާއި 50 އަހަރަށް ކަމަށް ވިދާޅުވިއެވެ.
"އޭގެ ބަދަލުގައި އަޅުގަނޑުމެންނަށް މި ލިބެނީ 1093 ހެކްޓަރުގެ ބިން،" ފަޒުލް ވިދާޅުވިއެވެ.
އޭނާ ވިދާޅުވީ މި މޮޑެލަށް މީގެ ކުރިން ވެސް އާބަންކޯއިން މަޝްރޫއުތައް ކުރިއަށް ގެންދިޔަކަމަށެވެ.
ރޭ މި މަޝްރޫއާ ގުޅޭގޮތުން ވާހަކަދައްކަވަމުން ރައީސް ޑރ. މުޙައްމަދު މުއިއްޒު ވިދާޅުވީ، މިއީ ދިވެހި ސަރުކާރުން އެއްވެސް ހޭދައެއް ކުރަން ޖެހޭނެ މަޝްރޫއެއް ނޫންކަމަށެވެ.
ފުށިދިއްގަރު ފަޅު ހިއްކުމުގެ މަޝްރޫއު ރައީސް އިފްތިތާހުކޮށްދެއްވީ މީގެ ތިން ދުވަސް ކުރިން ހޯމަ ދުވަހެވެ. ނަމަވެސް މަޝްރޫއަށް އަންނަ އަހަރަށް ބަޖެޓުކޮށްފައި އޮތް އަދަދުވަނީ މަޖިލީހުން އުނިކޮށްފައެ