ޖުމްހޫރީ ޕާޓީ (ޖޭޕީ)ގެ ސެކްރެޓަރީ ޖެނެރަލްގެ މަގާމަށް ކުރީގެ ހޯމް މިނިސްޓަރު އަޒްލީން އަހްމަދު އައްޔަންކޮށްފިއެވެ.
މީޑިއާތަކަށް މައުލޫމާތު ދެއްވަމުން ޖުމްހޫރީ ޕާޓީގެ އިސް ތަރުޖަމާނު އަލީ ޞާލިހު ވިދާޅުވީ އެ މަގާމަށް އަޒްލީން އައްޔަންކުރެއްވީ ޖޭޕީގެ ލީޑަރު ގާސިިމް އިބްރާހިމް ކަމަށެވެ.
ކުރިން އެ މަގާމުގައި ހުންނެވީ ކެލާ ދާއިރާގެ ކުރީގެ މެމްބަރު އަލީ އާރިފެވެ.
އާރިފް 'ސަން'އަށް ވިދާޅުވީ ވިދާޅުވީ އޭނާ ޖޭޕީން އިސްތިއުފާ އަދި ނުދެއްވާކަމަށެވެ. ނަމަވެސް އަޒްލީނަށް މަގާމު ހަވާލުކުރުމަށް ޓަކައި ކުރަންޖެހޭ މަސައްކަތް މިހާރު ފައްޓަވައިފައިވާކަމަށެވެ.
އަޒްލީނަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި އެންމެ ފަހުން ހޯމް މިނިސްޓަރުކަން ކުރެއްވި ބޭފުޅާއެވެ. ޕީޕީއެމް މެމްބަރެއްގެ ގޮތުގައި ހުންނަވަނިކޮށް 2018ގައި ސަރުކާރު ބަދަލުވުމާއެކު ސިޔާސީ މައިދާނުގައި އޭނާ ހުންނެވީ ހިމޭނުންނެވެ. އެއަށްފަހު ޖުމްހޫރީ ޕާޓީއާ ގުޅިވަޑައިގަތީ 2019ވަނަ އަަހަރެވެ.
ޖުމްހޫރީ ޕާޓީގެ ބައެއް މަގާމުތަކަށް ބަދަލުތަކެއް އަންނަމުން މި ދަނީ މި މަހު 30ވަނަ ދުވަހު ބާއްވަން އޮތް ރިޔާސީ އިންތިޚާބުގެ ދެވަނަ ބުރުގައި އެ ޕާޓިން ވަކި ކެންޑީޑޭޓަކަށް ތާއީދުނުކުރަން ނިންމައިފައިވަނިކޮށެވެ.