ކުރީގެ ޕީޕީއެމް ސަރުކާރަށް އޭރު ގަބޫލުކުރެވުނީ އިންތިޚާބު ކާމިޔާބު ކުރުމަށް އޮތް ހަމައެކަނި މަގަކީ އިދިކޮޅު ލީޑަރުން ޖަލުގައި ބޭތިއްބުން ކަމަށާއި، މިއަދު އޮންނާނީ މިނިވަންކަން ކަމަށް ރައީސް އިބްރާހިމް މުޙައްމަދު ޞާލިހު ވިދާޅުވެއްޖެއެވެ.
ށ. ބިލެތްފަހީގައި ވާހަކަފުޅުދައްކަވަމުން ރައީސް ވިދާޅުވީ އާންމު 2018ގެ ރިޔާސީ އިންތިޚާބަށް ކެމްޕޭން ފެށިއިރު އެއިރުގެ ކޯލިޝަންގެ ހުރިހާ އިސްވެރިން ތިއްބެވީ ޖަލު ބަންދުގައިކަން ރައްޔިތުންގެ ހަނދާނުގައި ވެސް ހުންނާނެކަމަށެވެ.
"މިހެން ގޮސް ރައްޔިތުންގެ މަޖިލީހުގެ 12 މެންބަރުންނާއި ޕާޓީތަކުގެ ލީޑަރުންނާއި ކިރިޔާ ވެސް ޕަޓީތަކުގެ ލީޑާޝިޕްގެ މެންބަރުން ތިބީ ޖަލުގައި. އޭރުގެ ސަރުކާރަށް ގަބޫލުކުރެވުނީ ތިމަންނަމެންނަށް އިންތިޚާބު ކާމިޔާބު ކުރެވޭނީ ޖަލަށް ލައިގެންނޭ،" ރައީސް ވިދާޅުވިއެވެ.
ރައީސް ވިދާޅުވީ މިހާރު އެމްޑީޕީއާ އެކު ތިބި އިސް މެންބަރުންގެ ކުރީ ސަފު ޖަލަށް ލައިފިނަަމަ ދެވަނަ ސަފު ކުރިއަށް އަރާނެ ކަމަށެވެ. ވަރުގަދަ ލީޑާޝިޕެއް މިއަދު އެމްޑީޕީގައި އޮތްކަމަށް ވެސް ރައީސް ވިދާޅުވިއެވެ.
އެ މަނިކުފާނު ވިދާޅުވީ މި ދައުުރުގައި ޚިޔާލު ފާޅުކުރުމުގެ މިނިވަންކަން ވެސް ފުރިހަމައަށް އޮންނާނެ ކަމަށެވެ. ނޫސްވެރިންނަށާއި މީޑިއާތަކަށް ވެސް 'ބޭނުން އެއްޗެއް' ކިޔުމާއި ދެއްކުމުގެ ފުރުސަތު ދެވިފައިވާ ކަމަށް ރައީސް ވިދާޅުވިއެވެ.
ނަމަވެސް އަޚްލާގީ މިންގަނޑަށް ފެތޭހެން ބަސްމަގު ގެންގުޅުމަށް މިހާރަށްވުރެ ބޮޑަށް އިސްކަން ދިނުމަށް ރައީސް ވަނީ އެދިވަޑައިގެންފައެވެ.
"އިރާދަކުރެއްވިއްޔާ އަޅުގަނޑުމެން ކުރިއަށް ދާނީ މި މިނިވަންކަަމުގައި،" ރައީސް ވިދާޅުވިއެވެ.
ރައީސް ވިދާޅުވީ ދެވަނަ ދައުރެއްގައި ބިލެތްފަހީގައި:
- ބިލެއްފަހީ މަގުތައް ޒަމާނީ ފެންވަަރަށް ތަރައްގީކޮށްދެއްވާނެކަމަށް
- ސިއްހީ މަރުކަޒު އަޕްގްރޭޑްކުރުމުގެ މަސައްކަތް ކޮށްދެއްވާނެކަމަށް
- ލޯކަލް ޓޫރިޒަމަށް ފައްކާކުރުން