ހުޅުމާލޭ ދެވަނަ ފިޔަވަހީގައި ތަރައްގީ ކުރާ ފްލެޓުތަކުގެ މަސައްކަތް ކުރަމުން އަންނަ ޖޭއެމްސީގެ މުވައްޒަފުންގެ ކެއުން ގޯސްވެގެން ކަމަށް ބުނެ ބަނޑުހައި ހޫނުކަމުގެ ހަޅުތާލު ކޮށްފިއެވެ.
އެ ކުންފުނީގެ 2,000 އެއްހާ މުވައްޒަފުން ހަޅުތާލު ކުރަމުން އަންނަތާ ދެ ދުވަސް ވެއްޖެއެވެ.
އެ މީހުންގެ މައިގަނޑު ކަންބޮޑުވުމަކީ އެ މީހުންނަށް ފޫޖަހައި، ކުނިވެ ފުޅަ އަޅާފައި ހުންނަ ތަކެތި ބޭނުންކޮށްގެން ކެއުން ތައްޔާރު ކުރަމުން ދާ ކަމަށެވެ.
"ސަން" އަށް މައުލޫމާތު ލިބިފައިވާ ގޮތުގައި މިއަދު ހަވީރުން ފެށިގެން ގިނަ އަދަދެއްގެ މުވައްޒަފުން ވަނީ މަސައްކަތް ހުއްޓާލުމަށް ފަހު މަގު މައްޗަށް އެއްވެ ހަޅުތާލު ކޮށްފައެވެ. އަދި، އެ ސަރަހައްދުގައި ގިނަ އަދަދެއްގެ ފުލުހުންވެސް އެ ވަގުތު ހަރަކާތްތެރި ވެފައިވެއެވެ.
ސަރުކާރުން ފެށި ފްލެޓް މަޝްރޫއުގެ ތެރެއިން 2،000 ހައުސިން ޔުނިޓް އެޅުމަށް ހަވާލުކޮށްފައި ވަނީ އިންޑިއާގެ ޖޭއެމްސީ ޕްރޮޖެކްޓްސް ލިމިޓެޑާއެވެ.
މިދިޔަ މާޗު މަހުގެ ތެރޭގައި ވެސް ޖޭއެމްސީގެ މުވައްޒަފުން ހަޅުތާލު ކޮށްފައިވެއެވެ.