މިދިޔަ އަހަރުގެ އޯލެވެލް/އޭލެވެލްގެ އިމްތިހާނުގެ ގަދަ 10 ގައި ހިމެނުނު ކުދިންނަށް އެވޯޑް ދިނުމުގެ ހަފުލާ މި މަހު ބާއްވަން ނިންމައިފައިވާކަމަށް އެޑިއުކޭޝަން މިނިސްޓްރީން ބުނެފިއެވެ.
އޯލެވެލް އިނާމުދިނުމުގެ ހަފްލާ ބާއްވަން ނިންމައިފައިވަނީ ދެ ދުވަހަށް ބަހައިލައިގެން މި މަހު 17 އަދި 18ގައެވެ.
އެޑިއުކޭޝަން މިނިސްޓްރީން ބުނި ގޮތުގައި އޯލެވެލް ގަދަ 10 ގައި 844 ކުދިން ވަނީ ހިމެނިފައެވެ. އަދި ވަކިވަކި މާއްދާތަކުން ވަނަ ހޯދާ ދަރިވަރުންނާއެކު ޖުމުލަ 847 ދަރިވަރުންނަށް އެވޯޑް ދޭނެކަމަށް މިނިސްޓްރީން ބުނެއެވެ.
އޭލެވެލް އެވޯޑް ދިނުމުގެ ހަފްލާ ބާއްވަން ނިންމައިފައިވަނީ މި މަހު 31 ގައެވެ. އޭލެވެލްގެ ގަދަ ދިހައެއްގައި ހިމެނުނީ 441 ކުދިންނެވެ.
މިދިޔަ އަހަރުގެ އޯލެވެލް އިމްތިހާނުގައި 5،939 ކުދިން ބައިވެރިވިއެވެ. އޭލެވެލް އިމްތިހާނުގައި 2،849 ކުދިން ބައިވެރިވިއެވެ.