ސަލާމަތީ ބާރުތަކުން މާލޭގައި ހާއްސަ އޮޕަރޭޝަނެއް ފަށައިފިއެވެ.
ސަލާމަތީ ޚިދުމަތްތަކުން ނެރުނު ނޫސްބަޔާނެއްގައި ބުނީ ރައްޔިތުންގެ ސަލާމަތާއި ރައްކާތެރިކަން ކަށަވަރުކޮށް މާލޭގެ އަމާންކަމާއި ރައްކާތެރިކަން ޔަގީންކުރުމުގެ ގޮތުން ފުލުހުންގެ އެދުމުގެ މަތިން އެމްއެންޑީއެފްގެ އެހީތެރިކަމާއެކު "ގުޅިގެން"ގެ ނަމުގައި ހާއްސަ އޮޕަރޭޝަނެއް ފަށައިފައިވާ ކަމަށެވެ.
ޓެރަރިޒަމް ތްރީޓަކާ ގުޅުގެން މާލޭ ސަރަހައްދުގައި ސަލާމަތީ ކަންކަން ވަރުގަދަ ކޮށްފައިވާކަމުގެ އަޑުތައް ވަނީ އަރައިފައެވެ. އެހެން ނަމަވެސް މިކަމާ ގުޅިގެން ސަލާމަތީ ބާރުތަކުން ބަހެއް ނުބުނެއެވެ.
ވިލިމާލޭގައި ފުލުހުން ހިންގި އޮޕަރޭޝަނެއްގައި، ޓެރަރިޒަމްގެ މައްސަލައެއްގެ ތުހުމަތުގައި މިދިޔަ ބުރާސްފަތި ދުވަހުގެ ރޭ ވިލިމާލޭން މީހަކު ވަނީ ހައްޔަރު ކޮށްފައެވެ.
އެ އޮޕަރޭޝަނުގައި ވިލިމާލޭގެ ބައެއް ގެތައް ވެސް ވަނީ ބަލައި ފާސްކޮށްފައެވެ.