މާލެ އަތޮޅު ގުރުއާން މުބާރާތުގެ އެއްވަނަ ހުރާ ސުކޫލުން ވިދިވިދިގެން ހަތްވަނަ ފަހަރު ހޯދައިފިއެވެ.
މިދިޔަ މަހުގެ 15އަދި 16ވަނަ ދުވަހު އޮންލައިންކޮށް އޮތް މާލެ އަތޮޅު ކައުންސިލްގެ 10ވަނަ ގުރުއާން މުބާރާތުގެ ނަތީޖާ ވަނީ މިއަދު ފާޅުކޮށްފައެވެ.
މުބާރާތް ކުރިއަށް ގެންގޮސްފައިވަނީ ބަލައިގެން ކިޔެވުމާއި ހިތުދަސްކުރުމުގެ ބައިން ފަސް އުމުރުފުރާއެއް ހިމެނޭ ގޮތަށެވެ.
މުބާރާތުގެ އެއްވަނަ ހުރާ ސުކޫލުން ހޯދި އިރު ދެވަނަ ހޯދައިފައިވަނީ ގުރައިދޫ ސުކޫލުންނެވެ. އަދި ތިންވަަނައަށް ހޮވުނީ މާފުށީ ސުކޫލެވެ.
މި މުބާރާތުގެ، މުޅި މުބާރާތުން ދެ ގޮފި އެއްކޮށް، އެއްވަނަ ދަރިވަރަކަށް ހޮވުނީ ހުރާ ސުކޫލުގެ ޢާއިޝަތު ޒަހާ ބިންތު ޢަލީއެވެ. އަދި މުޅި މުބާރާތުން ދެވަނަ ދަރިވަރަކަށް ހޮވުނީ ހުރާ ސުކޫލުގެ އަޒްކާ ބިންތު މުޙައްމަދު ޞިދުޤީއެވެ. އަދި ތިން ވަނަ އަށް ދެ ދަރިވަރަކު ހޮވިފައިވާއިރު އެއީ ވެސް ހުރާ ސުކޫލުގެ ދެ ދަރިވަރުންނެވެ.
އެ ދެ ދަރިވަރުންނަކީ މުޙައްމަދު އިޔާން އަޙްމަދާއި މުޙައްމަދު މައިސާން އިޙްސާނެވެ.