އޭއެފްސީ 23 އަހަރުން ދަށުގެ އޭޝިއަން ކަޕުގެ ކޮލިފައިން ފުރަތަމަ މެޗުގައި ރާއްޖެ އިރާގާ ދެކޮޅަށް ކުޅެން ޖެހިއްޖެއެވެ.
ކޮލިފައިން ގްރޫޕުގައި ރާއްޖެ ހިމެނުނީ ބަހްރެއިން، އިރާގު އަދި އަފްއާނިސްތާނާ އެއް ގުރޫޕެއްގައެވެ.
ގުރޫޕުގެ ދެވަނަ މެޗުގައި ބަހްރެއިނާ ދެކޮޅަށް ނިކުންނައިރު ފަހު މެޗުގައި އޮކްޓޫބަރ 31 ވަނަ ދުވަހު ނިކުންނަނީ އަފްއާނިސްތާނާ ދެކޮޅަށެވެ.
ކޮލިފައިން މެޗުތަކައް ތައްޔާރުވުމުގެ ގޮތުން ޒުވާން ގައުމީ ޓީމު ޅ. އަތޮޅުގައި ކޭޕް ކުރުމަށް ވަނީ ނިންމާފައެވެ. ކޭމްޕުގެ ތެރެއިން ފަސް މެޗު ކުޅުމަށް ވަނީ ހަމަޖެހިފައެވެ.
އަތޮޅުތެރޭގެ ކޭމްޕުގައި މެޗުތައް ކުޅެން ހަަމަޖެހިފައިވަނީ ނ. ކުޑަަފަރީ، ނ. ހޮޅުދޫ، ރ. މީދޫ، ޅ. ނައިފަރު އަދި ޅ.ހިންނަވަރު ޓީމުތަކާ ދެކޮޅަށެެވެ.
ގައުމީ 23 އަހަރުން ދަށުގެ ކޯޗުގެ މަގާމުގައި ހުރީ އަލީ ސުޒޭންއެވެ. ނަމަވެސް ދާދި ފަހުން ގައުމީ ޓީމުގެ ކޯޗުގެ މަގާމަށް ސުޒޭން ހަމަޖެއްސުމާއެކު މިހާރު 23 އަހަރުން ދަށުގެ ޓީމާ ހަވާލުވެގެން ތިބީ އެސިސްޓަންޓު ކޯޗުން ކަމުގައިވާ މުހައްމަދު ޝާހިދު އާ ސޮބާހު މުހައްމަދު (ސޮބާ)އެވެ.