ބޮލީވުޑްގައި މިވަގުތު އެންމެ ބާރަށް ފިޔަޖަހަމުން އަންނަ ދެތަރިން ކަމަށްވާ ޝްރައްދާ ކަޕޫރާއި ކާތިކް އާރްޔަން އެކުގައި ފިލްމަކުން ފެންނަން ތައްޔާރުވެއްޖެ އެވެ.
ޒުވާން މި ދެ އެކްޓަރު އެކުގައި ލީޑު ރޯލު ކުޅޭނީ ދާދިފަހުން އިއުލާންކުރި ފިލްމު "ސަތިއަނާރަޔަން ކީ ކާތާ" އެވެ. ލޯބީގެ ވާހަކައަކަށް ބިނާކޮށް އުފައްދާ މި ފިލްމަކީ ސާޖިދު ނަޑިއަދުވާލާގެ ޕްރޮޑަކްޝަންސްގެ ދަށުން ގެނެސްދޭ ފިލްމެކެވެ. މި ފިލްމަކީ ނޭޝަނަލް އެވޯޑު ހޯދާފައިވާ ކުޅަދާނަ ޑައިރެކްޓަރު ސަމީރު ވިދްވަން ޑައިރެކްޓްކުރާ ފިލްމެއް ވެސްމެ އެވެ.
ފިލްމުގެ ސްކްރިޕްޓް މިހާރު ޝްރައްދާ އަށް ކިޔައިދިން އިރު މި ފިލްމުގެ ވާހަކަ އާ މެދު އޭނާ ވަގުތުން ޝައުގުވެރިވި ކަމަށާއި އަދި މި ފިލްމު ކުޅުމަށް އެއްބަސްވި ކަމަށް ވެސް ޚަބަރުތައް ބުނެ އެވެ. އަންނަ ނޮވެމްބަރު މަހު މި ފިލްމުގެ މަސައްކަތް ފަށާއިރު މި ފިލްމަށް ޝްރައްދާ ސޮއިކޮށްފި ނަމަ މި ފިލްމުވެގެންދާނީ ކާތިކް އާ ޝްރައްދާ އެކުގައި ސްކްރީނުން ފެނިގެންދާނެ ފުރަތަމަ ފިލްމަށެވެ. އަދި މި ޖޯޑުވެގެންދާނީ ބެލުންތެރިން ވަރަށް ގަޔާވާނެ ޖޯޑަށެވެ.