ބޮލީވުޑްގެ ކާމިޔާބު ދެ އެކްޓަރުން ކަމަށްވާ މަދޫރީ ޑިކްސިޓް އާ އާމިރު ޚާން ލީޑު ރޯލުން ފެނިގެންދިޔަ ކާމިޔާބު ފިލްމު "ދިލް"ގެ ރީމޭކެއް ހަދަން ނިންމައިފި އެވެ.
ނަވާރަސަތޭކަ ނުވަދިހަ ވަނަ އަހަރު ރިލީޒްކުރި މި ފިލްމަކީ ޑައިރެކްޓަރު އިންދަރު ކުމާރުގެ އަލަތު ޑައިރެކްޝަނެވެ. ބުޝަން ކުމާރުގެ ޓީ ސީރީޒާ އެކު އިންދަރު ތިން ފިލްމެއް ގެނެސްދޭން އެއްބަސްވެފައިވާ އިރު އެ ފިލްމުތަކުގެ ތެރެއިން އެއް ފިލްމަކީ ދިލް ގެ ރީމޭކް ކަމަށް ޚަބަރުތައް ބުނެ އެވެ.
ރޮމޭންޓިކް ޑްރާމާ ދިލް ގެ ރީމޭކް ތައްޔާރުކުރާނީ ޒަމާނާ އެއްގޮތަށް ފެއްތުމަށްފަހު ވަރަށް ޝައުގުވެރިކޮށެވެ. އަދި މި ފިލްމުގެ ސްކްރިޕްގެ މަސައްކަތް ވެސް މިހާރު ފަށާފައިވާ ކަމަށް ޚަބަރުތައް ބުނެއެވެ. މިވަގުތު އިންދަރު އަންނަނީ "ތޭންކް ގޯޑް"ގެ މަސައްކަތް ކުރަމުންނެވެ. މި ފިލްމަކީ އަޖޭ ދޭވްގަން، ސިދާތު މަލްހަތްރާ އަދި ރަކުލް ޕްރީތު ލީޑު ރޯލުން ފެނިގެންދާ ފިލްމެކެވެ. މި ފިލްމުގެ މަސައްކަތް ނިންމުމަށްފަހު އިންދަރު "ދިލް"ގެ ރީމޭކްގެ ޝޫޓިން ފަށާނެއެވެ.