މިދިޔަ އަހަރުގެ ފަހު ކުއާޓަރުގައި އުރީދޫ މޯލްޑިވްސް އަށް ސާފު ފައިދާގެ ގޮތުގައި 104 މިލިއަން ރުފިޔާ ލިބިއްޖެ އެވެ.
އުރީދޫ އިން އާންމުކޮށްފައިވާ އެ ކުންފުނީގެ 2020 ވަނަ އހަަރުގެ ހަތަރުވަނަ ކުއާޓަރުގެ މާލީ ހިސާބުތައް ދައްކާގޮތުން އެ މުއްދަތުގައި އެކުންފުންޏަށް އާމްދަނީގެ ގޮތުގައި 402 މިލިއަން ރުފިޔާ ވަނީ ލިބިފައެވެ.
އޭގެ ތެރޭގައި މޮބައިލް ހިދުމަތްތަކުން ލިބުނު 304 މިލިއަން ރުފިޔާ އާއި ފިކްސްޑް ބްރޮޑްބޭންޑް އެންޑް އެންޓަޕްރައިޒް ހިދުމަތުން ލިބުނު 91 މިލިއަން ރުފިޔާ އަދި އެހެން ހިދުމަތްތަކުން ލިބުނު 6،121 ރުފިޔާ ހިމެނެއެވެ.
ހަތަރުވަނަ ކުއާޓަރުގައި އުރީދޫ އިން ހިންގުމުގެ ހަރަދަށް 222 މިލިއަން ރުފިޔާ ހޭދަކުރިއެވެ.
އުރީދޫ މޯލްޑިވްސް އަކީ ވަތަނިއްޔާ އިންޓަނޭޝަނަލް އާއި މޯލްދިވްސް ޕެންޝަން އެޑްމިނިސްޓްރޭޝަން އޮފީސް އަދި ދިވެހި ރައްޔިތުން ހިއްސާވާ ކުންފުންޏެވެ.