ދެ މީހުންނާއެކު ދަތުރުކުރަމުން ދިޔަ ދޯންޏެއް ބަންޑުން ޖަހާލައިފިއެވެ.
އެމްއެންޑީއެފްއިން ބުނީ ބަންޑުން ޖަހާލީ "އިބާ" ނަމަކަށް ކިޔާ، 46 ފޫޓުގެ މުދާ އުފުލާ ދޯންޏެއް ކަމަށެވެ.
ރޭ 10:21 ހާ އިރު ރިޕޯޓުކުރި މި ހާދިސާ ހިނގީ ގދ. ހައޮޑިގަލާ ކައިރިންނެވެ.
އެ ހާދިސާ ހިނގި އިރު އޭގައި ދެ މީހުން ތިބި ކަމަށާއި، މިހާރު އެ ދެ މީހުން ސަލާމަތުން ތިއްބާ ފެނިފައިވާކަމަށް އެމްއެންޑީއެފުން ބުންޏެވެ.