ގައުމީ ޔުނިވާސިޓީ (އެމްއެންޔޫ)އިން 868 ދަރިވަރުން ދަސްވެނިވެއްޖެއެވެ.
ދަރުބާރު ގޭގައި ރޭ ބޭއްވި އެމްއެންޔޫގެ އަހަރީ އިނާމް ދިނުމުގެ ޖަލްސާގައި ވަނީ ދަސްވެނިވި ދަރިވަރުންނަށް ސެޓްފިކެޓާ އިނާމާއި އެވޯޑްތައް ހަވާލުކޮށްފައެވެ.
ދަސްވެނިވި ދަރިވަރުންގެ ތެރޭގައި ސެޓްފިކެޓް 3 އިން ފެށިގެން އެޑްވާންސް ސެޓްފިކެޓް، ޑިޕްލޮމާ އާއި ޑިގްރީ އަދި މާސްޓާސް ޕްރޮގްރާމްތައް ނިންމި ދަރިވަރުން ހިމެނެއެވެ. އޭގެ ތެރޭގައި 260 ފިރިގެން ދަރިވަރުންނާއި 609 އަންހެން ދަރިވަރުން ހިމެނެެއެވެ.
ބައެއް ކޯސްތަކުން ދަސްވެނިވި ދަރިވަރުންގެ އަދަދު
- ބެޗްލާ އިން ޕްރައިމަރީ ޓީޗިން - 19
- ޑިޕްލޮމާ އިން ނާސިން- 64
- މާސްޓާ އޮފް އެޑިއުކޭޝަން/ ދިވެހި ލެންގުއޭޖް އިން ޓީޗިން - 45
ރޭ ދަސްވެނިވި ދަރިވަރުންގެ ތެރެއިން ކޯހުން އެއްވަނަ ހާސިލްކޮށް ސީޖީޕީއޭ 3.5 މަތިން ހޯދި ދަރިވަރުންނަށް ރައީސް އިބްރާހިމް މުހައްމަދު ސޯލިހް ދެއްވާ އެވޯޑް ވަނީ ދެ ދަރިވަރަކަށް އަރުވައިފައެވެ.
ރައީސްގެ އެވޯޑް ހާސިލް ކުރި ދަރިވަރުން
- ހަރިސަތު މުހައްމަދު ( މާސްޓާސް އިން އެޑިއުކޭޝަން)/ ރަންފަސް، ސ. ހިތަދޫ
- ފާތިމަތު ރައުފާ ( ބެޗެލާ އޮފް އެކައުންޓިން އެންޑް ފައިނޭންސް)/ ހަރު، ށ ފުނަދޫ