ބީފްއަކީވެސް އަހަރެމެންގެ ތެރެއިން ގިނަބަޔަކަށް ވަރަށް ކަމުދާ އެއްޗެކެވެ. ތަފާތު އެކިގޮތްގޮތަށް ބީފް ތައްޔާރުކުރެވޭއިރު މީގެތެރެއިންވެސް ކަންކުން ބީފްއަކީ ދިވެހިންނަށް ވަރަށް ކަމުދާ ޑިޝްއެކެވެ. މިއަދު ޓައިޑްސް ކެފޭ އެންޑް ބިސްޓްރޯއިން މި ތައްޔާރުކޮށްލައިދެނީ ކަންކުން ބީފްއެވެ.
ބޭނުންވާ ތަކެތި
- 125 ގްރާމް ބީފް (ހިމަ ދިގުކޮށް ކޮށާފައި)
- 75 ގްރާމް ކަންކުން
- 25 ގްރާމް ލޮނުމެދު
- 25 އެމްއެލް އޮއިސްޓާ
- 20 އެމްއެލް ޑާރކް ސޯއީ ސޯސް
- ހިކި މިރުސް
- 15 ގްރާމް ތެޔޮ
- ލޮނާއި އަސޭމިރުސް (އޮޕްޝަނަލް)
ތައްޔާރުކުރާނެ ގޮތް
އެންމެ ފުރަތަމަ ތެލި ހޫނުކުރުމަށްފަހު ތެޔޮ އަޅާ، ތެޔޮ ހޫނުވާން ފެށުމުން ބީފްއަޅާ ރަނގަޅަށް ރޯ ފިލުވާލާށެވެ. އެއަށްފަހު ލޮނުމެދާއި މިރުސް އަޅާ 2 މިނިޓް ވަރު ކައްކާލާށެވެ. އެއަށްފަހު އޮއިސްޓާ ސޯސް އާޢި ސޯއީ ސޯސް އަޅާލާށެވެ. އެންމެފަހުން އަޅާނީ ކަންކުން އެވެ. އަދި އިތުރަށް 2 މިނިޓް ކައްކާލުމަށްފަހު ބަތް ނުވަތަ ރޮށްޓާއި އެކީ ސާރވްކޮށްލާށެވެ.