ދިވެހި ފިލްމު އިންޑަސްޓްރީގައި ފާހަގަކޮށްލެވޭ ޖޯޑު ފާތިމަތު އާޒިފާ (އަޒޫ)އާއި އަހުމަދު ސައީދަށް އަންހެން ކުއްޖެއް ލިބިއްޖެ އެވެ.
"ސަން" އާ ވާހަކަ ދައްކަމުން ސައީދު ބުނީ އަޒޫ ވިހެއީ މިދިޔަ ހޮނިހިރު ދުވަހުގެ މެންދުރު ވަގުތެއްގައި ކަމަށެވެ. އައިޖީއެމްއެޗްގައި އަޒޫ ވިހެއިރު އެ ދަރިފުޅަކީ އަޒޫގެ އަލަތު ދަރިފުޅެވެ. ސައީދު މީގެ ކުރިން ކައިވެންޏެއް ކޮށް އަންހެން ކުއްޖަކާއި ފިރިހެން ކުއްޖެއް ހުރެއެވެ.
"ދެމައިންގެ ހާލުވެސް ވަރަށް ރަނގަޅު އިރާދަކުރެއްވިއްޔާ. އިއްޔެ ހޮސްޕިޓަލުން ޑިސްޗާޖްވެސް ކޮށްލައިފި،"
މީގެ ކުރިން "ސަން" އަށް ދިން އިންޓަވިއުއެއްގައި ސައީދު ބުނީ އަޒޫ އަންހެން ކުއްޖަކަށް އުންމީދުކޮށްގެން ހުރި ކަމަށެވެ. އަޒޫ ވިހެއުމާ ގުޅިގެން ފޭނުން އަންނަނީ ދެމަފިރިންނަށް މަރުހަބާ ކިޔަމުންނެވެ.
ސައީދާއި އަޒޫގެ ކައިވެނިކުރީ 2016 ވަނަ އަހަރު އެވެ. އަޒޫ އާއި ސައީދަށް "ސަން" އާއި ކިޔުންތެރިންގެ ފަރާތުން މަރުހަބާ ކިޔަމެވެ.