ނ. މިލަދޫ ސުކޫލްގެ ތިޖޫރީ ވަގަށް ނެގި މައްސަލާގައި ގިނަ އަދަދެއްގެ ފައިސާއާ އެކު ޒުވާނަކު ހައްޔަރު ކޮށްފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ، މިލަދޫ ގެއަކުން ނަވާރަ ހާސް ރުފިޔާ ވަގަށްނެގި މައްސަލައެއްގައި ކޯޓު އަމުރެއްގެ ދަށުން ގެއެއް ބަލައި ފާސްކުރަމުން ދަނިކޮށް ގިނަ އަދަދެއްގެ ފައިސާ ފެނިފައިވާ ކަމަށެވެ.
"މިގެ ބަލާ ފާސްކުރިއިރު އެގޭ ކޮޓިރިއެއްގެ ތެރެއިން ފެނުނު ދަބަހެއްގެ ތެރެއިން 94،705 ރުފިޔާ ފެނިފައިވޭ،" ފުލުހުންގެ މީޑިއާ އޮފިޝަލަކު ވިދާޅުވި އެވެ. އަދި ހަމަ އެގޭ އެހެން ކޮޓެރިއަކުން ވޮލެޓެއްގެ ތެރޭގައި އޮތް 1315 ރުފިޔާ ވެސް ފެނިފައިވާ ކަމަށް ފުލުހުން ބުންޏެވެ.
އެ ގެއިން ފެނުނު ފައިސާތަކުގެ ތެރޭގައި މިލަދޫ ސްކޫލްގެ ތިޖޫރީން ވަގަށް ނަގާފައިވާ ކަމަށް ބެލެވޭ ފައިސާ ހިމެނޭ ކަމަށް ފުލުހުން ބުނެއެވެ. އެ ދެ މައްސަލައާ ގުޅިގެން 19 އަހަރުގެ ޒުވާނަކު ހައްޔަރުކޮށްފައިވާ ކަމަށް ވެސް ފުލުހުން ބުނެއެވެ.
މިލަދޫ ސުލޫލްގެ ތިޖޫރީން ލައްކައަަކަށްވުރެން ގިނަ ފައިސާ ވަގަށް ގެންގޮސްފައިވާ ކަމަށް ފުލުހުން ވަނީ މީގެ ކުރިން ވަނީ ބުނެފަ އެވެ.