މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ބަލާ ކޮމިޝަނަށް ސޯޝަލް މީޑިއާ އެކްޓިވިސްޓް އަހުމަދު އަޝްރަފު (ޝުމްބާ) ހާޒިރު ވުމަށް އަންގައިފިއެވެ.
ކުރީގެ ނައިބު ރައީސް އަހުމަދު އަދީބާ އަރިސްކޮށް މަސައްކަތްކުރާ ޝުމްބާ މަރު ކޮމިޝަނަށް ހާޒިރު ކުރަން ނިންމިކަން ހާމަކޮށް އޭނާ ކުރި ޓްވިޓާގައި ބުނީ އެ ކޮމިޝަނުން އެދިފައިވާގޮތަށް ތަހުގީގު ތަކަށް އެއްބާރުލުން ދިނުމަށް މާދަމާ ކޮމިޝަނަށް ހާޒިރުވާނެ ކަމަށެވެ.
ޝުމްބާ އެ ކޮމިޝަނަށް ހާޒިރުކުރަނީ ކޮން މައްސަލައަކާ ގުޅިގެން ކަމެއް އަދި ސާފެއް ނުވެއެވެ.
އެ ކޮމިޝަނުން ތަހުގީގުކުރާ ބޮޑެތި މައްސަލަތަކުގެ ތެރޭގައި ޑރ. އަފްރާޝީމް އަލީގެ މަރުގެ މައްސަލަ އާއި މިނިވަން ނޫހުގެ ނޫސްވެރިޔާ އަހްމަދު ރިލްވާން އަބްދުﷲ ގެއްލުވާލި މައްސަލަ ހިމެނެއެވެ.