ސިއްހަތަށް ރަނގަޅު ނޫން ބާވަތްތަކާމެދު ހޭލުންތެރި ކުރުމަށް ކުރެވޭ ހޭދަ އިތުރުކުރުމުގެ ގޮތުން ހިންގުމަށް ހަމަޖެހިފައިވާ ހަރަކާތްތަކަށް ލަފާދިނުމަށް އެކުލަވާލި ހެލްތް ޕްރޮމޯޝަން އެޑްވައިޒަރީ ބޯޑުން އަމުހަދު މަރުޒޫގު (މަރޭ) އިސްތިއުފާ ދެއްވައިފިއެވެ.
ހެލްތް ޕްރޮމޯޝަން އެޑްވައިޒަރީ ބޯޑަށް މަރޭ އައްޔަން ކުރީ ޑިސެމްބަރު 25 ވަނަ ދުވަހުއެވެ.
މަރޭ ވިދާޅުވީ، އޭނާ މަޖިލީހުގެ ޕްރައިމަރީގައި ވާދަ ކުރައްވާކަން އިއުލާނުކުރައްވާފައި ވަނިކޮށް، އެފަދަ ބޯޑަކަށް އޭނާ އައްޔަން ކުރުމަކީ ސަރުކާރުން އޭނާ އެންޑޯޒްކުރުން ކަމަށެވެ. އަދި އެއީ ޕްރަމަރީގައި އޭނާއާ ވާދަ ކުރާ އެހެން ކެންޑިޑޭޓުންނަށް ދެވޭ ދެރައެއް ކަމަށް ދެކިވަޑައިގަންނަވާތީ އިސްތިއުފާ ދެއްވަން ނިންމެވީ ކަމަށް މަރޭ ވިދާޅުވިއެވެ.
ހެލްތު ޕްރޮމޯޝަން އެޑްވައިޒަރީ ބޯޑަށް މަރޭގެ އިތުރުން އައްޔަން ކުރީ:
- ހެލްތު ޕްރެޓެކްޝަން އެޖެންސީގެ ފަރާތުން މައިމޫނާ އަބޫބަކުރު
- މިނިސްޓިރީ އޮފް އެޑިޔުކޭޝަންގެ ފަރާތުން ހުސެއިން ރަޝީދު
- ފުޑް އެންޑް ޑްރަގް އޮތޯރިޓީގެ ފަރާތުން ތޫމާ އާދަމް
- މިނިސްޓްރީ އޮފް ހެލްތްގެ ފަރާތުން ހަދީޖާ އަބްދުއް ސަމަދު
- މޯލްޑިވްސް މީޑިއާ ކައުންސިލްގެ ފަރާތުން އަޒްމީ އަލީ
- މޯލްޑިވްސް މެޑިކަލް އެސޯސިއޭޝަންގެ ފަރާތުން ޑރ. ނިޔާޝާ އިބްރާހީމް
- މޯލްޑިވްސް ބްރޯޑްކާސްޓިންގެ ފަރާތުން އަހުމަދު ރާޝިދު
ހެލްތު އެޑްވައިޒަރީ ބޯޑުގަައި ހިމެނިވަޑައިގަންނަވާ ބޭފުޅުންގެ ޒިންމާ އަކީ ތަފާތު ބަލިތަކަށް ރައްޔިތުން ހޭލުންތެރިކުރުމަށް ސަރުކާރުން ކުރާ މަސައްކަތުގައި، ސަރުކާރަށް ލަފާ އެރުވުމެވެ.