އެޕޮއިންޓްމަންޓްއާ ނުލާ މިއަދު މާލޭގައި ޔޫކޭ ވިސާއަށް އެދުމުގެ ފުރުސަތު ހުޅުވާލައިފިއެވެ.
ރާއްޖޭގެ ފޮރިން މިނިސްޓްރީން މިއަދު ކުރި ޓުވީޓެއްގައި ބުނީ މިއަދަކީ ރާއްޖޭގެ ޔޫކޭ ވިސާ ޕްރޮސެސް ކުރަމުންދާ ޔޫކޭ ވިސާ ސެންޓަރު ހިދުމަތްދޭ އެންމެ ފަހު ދުވަސް ކަަމަށެވެ. އެހެން ކަމުން އެޕޮއިންޓްމަންޓަނާ ނުލާވެސް، ޔޫކޭވިސާއަށް އެދެން ބޭނުންވާ ފަރާތްތަކަށް މިއަދު އެ ފުރުސަތު އޮތް ކަމަށްވެސް ޓުވީޓުގައި ވެެއެވެ.
ފޮރިން މިނިސްޓްރީން ބުނީ ވިސާއަށް އެދެން ބޭނުންވާ ފަރާތްތަކުން މިއަދު މެންދުރު 13:00 ކުރިން އެ މިނިސްޓްރީއަށް ވަޑައިގަތުމުން ވިސާއަށް އެދެވޭނެ ކަމަށެވެ.
Today is the last day of the UK Visa Centre. VFS invites all interested applicants to walk in even without prior appointments.
— MFA Maldives (@MDVForeign) August 9, 2018
ރާއްޖެއިން އިނގިރޭސިވިލާތަށް ކިޔެވުމަށާއި އެހެނިހެން ބޭނުންތަކުގައި ދަތުރުކުރާ ދިވެހިންނަށް ޚާއްސަކޮށްގެން ކޮންމެ އަހަރަކުވެސް މާލެއިން އިނގިރޭސި ވިސާ ލިބޭނެ އިންތިޒާމު ފޮރިން މިނިސްޓްރީން ހަމަޖައްސައިދެއެވެ.
ފޮރިން މިނިސްޓްރީއާއި އިނގިރޭސި އެމްބަސީ ގުޅިގެން އިނގިރޭސި ވިލާތަށް ދަތުރުކުރާ ދިވެހިންނަށް ބޭނުންވާނެ ވިސާ ދޫކުރަން ފެށީ މިދިޔަ އަންގާރަ ދުވަހުއެވެ. ނަަމަވެސް ވިސާ ހޯދުމަށް ބޭނުންވާ ފަރާތްތަކުން އެޕޮއިންޓްމަންޓް ހެދުމުގެ ފުރުސަތު މިދިޔަ މަހު ފަހުކޮޅު އޮތީ ހުޅުވާލައިފައެވެ.
އިނގިރޭސި ވިލާތަށް ދިއުމަށް ދިވެހިންނަށް މިހާރު ވެސް ހަ މަސް ދުވަހުގެ އޮން އެރައިވަލް ވިސާ ލިބެއެވެ. ނަމަވެސް އެެއަށްވުރެ ދިގު މުއްދަތަކަށް އެ ގައުމަށްދާ ނަމަ ކަމާ ގުޅޭ ވިސާ ޖަހަންޖެހޭނެއެވެ. އެ ވިސާ ހޯދަން ޖެހެނީ ސްރީލަންކާގައި ހުންނަ އިނގިރޭސި އެމްބަސީ މެދުވެރިކޮށެވެ.