ޢީދު އައިސް ބޯމަތި ވަނީއެވެ. ރަށްތަކުގައި ޢީދު ޝޯވ ތައް މިއަހަރުވެސް ފޯރި ގަަދަ ވާނެކަން ޔަގީނެވެ. ޢީދު ކައިރިވަމުން އަންނަ އިރު ފިލްމީ ތަރިންނާއި ނެށުންތެރިންގެ އިތުރުން ލަވަކިޔުންތެރިންގެ ޝެޑިއުލްތައް ވެސް އަންނަނީ ފުލް ވަމުންނެވެ. އެގޮތުން ހިތާނަކަސް އަދި ޢީދަކަސް އެންމެ ފުރަތަމަ ރަށް ރަށަށް ދާން ދައުވަތު ލިބޭނީ މަޝްހޫރު ނެށުންތެރިޔާ ސުނީތާ އަލީ (ސުނީ) ހިމެނޭނެއެވެ.
އއ. އުކުޅަހަށް އުފަން ސުނީ އަކީ މެދު ކެނޑުމެއްނެތި 23 އަށްވުރެ ގިނަ ދުވަސް ވަންދެން ނެށުމުގެ ތެރޭން ބެލުންތެރިންގެ މުނިފޫހި ފިލުވައިދެމުން އަންނަ ހިތްވަރުގަދަ ކަނބަލެކެވެ. މިހާތަނަށް އައި އިރު ސުނީ ޝޯވ ދިން އަދަދެއްވެސް ބުނަން ނޭންގެއެވެ.
ސުނީތާ ---
ކޮންމެ އަހަރަކުވެސް ބޮޑު ޢީދުގައި ސުނީ ވަރަށް ބިޒީއެވެ. ޢީދުގެ ފަސްރޭ ކޮންމެވެސް ފަސް ރަށެއްގައި ފަޅުފިލުވައިދެނީ އެ ފަކީރު އެކަނިމާ އެކަނިއެވެ. ކުޅަދާނައެއް ނޫން ހެއްޔެވެ؟
މިއަހަރުވެސް ސުނީގެ އީދު ޝެޑިއުލް މިއޮއް ފުލް ވަނީއެވެ. ތިން ޝޯވއެއް ފައިނަލް ވެފައި ވާއިރު ހަތަރުވަނަ ޝޯވް އާއި ފަސްވަނަ ޝޯ ވެސް ވަރަށް އަވަހަށް ފުލްވާނެއެވެ. މިހާރުވެސް ދަނީ ގިނަ ރަށް ތަކަކުން ސުނީއަށް ރިކުއެސްޓް ކުރަމުންނެވެ.
މިއަހަރުގެ ފުރަތަމަ ޝޯ ދިނުމަށް ހަމަޖެހިފައިނީ އަވަށްޓެރި ސްރީ ލަންކާގައެވެ. އެ ޝޯ ދިނުމަށް ހައްޖު ދުވަހު ލަންކާއަށް ފުރުމުގެ ހުރިހާ ކަމެއް އޮތީ ހަމަޖެހި ނިމިފައެވެ. ލަންކާގައި ފުރަތަމަ ޝޯވ ނިންމުމަށްފަހު ދެވަނަ ރޭގެ ޝޯވއަށް ސުނީ ދާނީ ޅ އަތޮޅަށެވެ. ދެވަނަ ޝޯވ އެ އަތޮޅު ހިންވަރުގައި ދޭން ނިންމާފައިވާއިރު ތިން ވަނަ ޝޯވ އޮޮތީ ކުރެންދޫގައެވެ.
ސުނީ ޢީދު ޝޯވ އަށް ރަށަކަށް ދިޔުމުން އެރަށުން މަރުޙަބާ ކިޔަނީ....
" ފުރަތަމަ ޝޯވ ލަންކާގަ ނިންމާފަ ފަތިހު ފްލައިޓަކުން ރާއްޖެ އައިސް ދެން ދާނީ ޅ އަތޮޅަށް، ވަރަށް ގިނަ ރަށްރަށުން މިހާރުވެސް ގުޅަމުން ދަނީ، ހިންނަވަރާއި ކުރެންދޫ މިއޮތީ މިހާރު ކޮންފާމްވެފަ، ހަތަރުވަނަ އަދި ފަސްވަނ ޝޯވ ވެސް ވަރަށް އަވަހަށް ކޮންފާމް ކުރާންނަން،" ގިނަ އަދަދެއްގެ ވީޑިއޯ ލަވަތަކުން ބެލުންތެރިންގެ ހިތް އަތުލާފައިވާ ސުނީ ބުންޏެވެ.
"ހިތް ދީވާނާ" އަލްބަމްގެ ލަވަތަކުން މަގުބޫލުކަން ހޯދާފައިވާ ސުނީ ބުނީ، އެކަނި ޝޯ ތަކުގައި ޕާފޯމް ކުރެވުން އެއީ އަންހެނަކަށްވެ ހުރެ ލިބޭ ވަރަށް ބޮޑު ފަހުރެއް ކަމަށެވެ. އަދި ރަށް ރަށުން ވެސް ސުނީއަށް ވަރަށް ބޮޑަށް ތައުރީފް ކުރާ ކަމަށް އޭނާ ބުންޏެވެ. މިދިޔަ އަހަރުވެސް ޝޯތައް ނިންމާލީ އެކަނިމާ އެކަނި ވަރުބަލި ކަމެއް ނެތިއެވެ.
ސުނީ ޢީދު ޝޯވ އަށް ރަށަކަށް ދިޔުމުން އެރަށުން މަރުޙަބާ ކިޔަނީ....
"އަސްލު ރަށް ރަށުން ވަރަށް ތަރުހީބު ބޮޑު، މީހުން ވަރަށް ހޫނު މަރުހަބާ ކިޔަނީ ވެސް، ވަރަށް އުފާވޭ އެކަހަލަ ސަޕޯޓަރުން އަޅުގަނޑުގެ ފަހަތުގައ ތިބޭތީ،" ސުނީ ބުންޏެވެ.
މިއަހަރުގެ ޢީދުގައި ސުނީ އާއެކު އޭނާގެ ލަވަތަކުގެ "ބައިވެރިޔާ" ޑިސްކޯ އަބްދުﷲ ފެންނާނެއެވެ. ސުނީ ބުނި ގޮތުގައި ޑިސްކޯ އޭނާއާ ގުޅޭނީ ދެވަނަ ޝޯވ އިންނެވެ.
ސުނީ ޢީދު ޝޯވ އަށް ރަށަކަށް ދިޔުމުން އެރަށުން މަރުޙަބާ ކިޔަނީ....
ސުނީ ބުނާގޮތުން އޭނާ ހުރީ ނެށުމާއިގެން ކުރިޔަށްދާން ތައްޔާރަށެވެ. އަދި ޢީދުގެ ޝޯވް ތައްވެސް ފަޅުފިލުވައިދޭން ތައްޔާރަށެވެ. ތިއިން ރަށަކަށް ސުނީ ގެންދަން ބޭނުންވާ ނަމަ އަވަހަށް ސުނީގެ ފޭސްބުކް ޕޭޖަށް މެސެޖް ކުރާށެވެ. ސުނީ ހަމަ ދާން ތައްޔާރެވެ.