އެސިސްޓެންޓް ޕްރޮސެކިއުޓާ ޖެނެރަލް އައިޝަތު ފަޒުނާ އަހުމަދު އިސްތިއުފާ ދެއްވައިފި އެވެ.
ފަޒުނާ "ސަން" އަށް ވިދާޅުވީ އޭނާ އިސްތިއުފާ ދެއްވާފައި ވަނީ އަމިއްލަ ހިތްހަމަނުޖެހުމަކާ ގުޅިގެން ކަމަށެވެ.
ފަޒުނާ ވަނީ ޖިނާއީ ބައެއް ބޮޑެތި މައްސަލަތަކާއި ސިޔާސީ ބޭފުޅުންގެ މައްޗަށް ހިންގި ބައެއް ޝަރީއަތްތަކުގައި ވެސް ދައުލަތް ތަމްސީލު ކުރައްވައިފަ އެވެ.
އަދި އޭގެ އިތުރުން އޭނާ އަކީ ޕީޖީ އޮފީހުގައި ވަރަށް ގިނަ ދުވަސްވަންދެން މަސައްކަތްކުރެއްވި ވަކީލެކެވެ.
ފަޒްނާ ކުރިން ހުންނެވީ ޕީޖީ އޮފީހުގެ ޕަބްލިކް ޕްރޮސިކިއުޓާގެ މަގާމުގަ އެވެ. މިހާރު އެ މަގާމުގައި ތިއްބެވި އަނެއް ދެ ބޭފުޅުންނަކީ ހުސައިން ނާޝީދާއި ޖިހާދާ އަނީސްއެވެ.