މަތީ ތައުލީމްގެ މަރުހަލާގައިވެސް އިސްލާމީ ރިވެތި އަހުލާގު ހިފަހައްޓަން ޖެހޭ ކަަމަށް އެޑިއުކޭޝަން މިނިސްޓަރު ޑރ. އައިޝަތު ޝިހާމް ވިދާޅުވެއްޖެއެވެ.
ހައި އެޗީވާސް ސްކޮލަޝިޕް އެވޯޑް ދިނުމަށް ރޭ ތާޖުއްދީން ސްކޫލުގައި ބޭއްވި ރަސްމިއްޔާތުގައި ވާހަކަ ދައްކަވަމުން އެޑިއުކޭޝަން މިނިސްޓަރު ވިދާޅުވީ އިސްލާމީ ރިވެތި އަހުލާގް އަބަދުވެސް ހިފަހައްޓަން ޖެހޭ ކަމަށެވެ.
"ކިޔެވުމުގެ މާހައުލާއި އޭގެން ބޭރުގައިވެސް އިސްލާމީ ރިވެތި އަހުލާގް ދެމެހެއްޓުމަކީ ކިޔެވުމުގެ ހަޔާތާއި އާންމު ދިރިއުޅުން ބާއްޖަވެރިވެ އުޖާލާވާނެ ކަމެއް ކަމެއް ކަމާމެދު ޝައްކެއް ނެތް. ވީމާ ތިޔަކުދިންނަށް މުދައްރިސުންނާއި މައިންބަފައިންގެ ފަރާތުން ދަސްވި ރިވެތި ހުލްގާ ހެޔޮލަފާ ދިރިއުޅުން މަތީ ތައުލީމުގައި އުޅެމުންދާއިރުވެސް ހިފެހެއްޓެވުން އެދެން،" ޑރ. އައިޝާތު ޝިހާމް ވިދާޅުވިއެވެ.
ރާއްޖެއިން ބޭރަށް ކިޔަވަންދާ ދަރިވަރުން ހާއްސަކޮށް އިސްލާމީ ރިވެތި އަހުލާގަށް ހިފެހެއްޓުމަށް ހާއްސަ ސަމާލުކަމެއް ދިނުމަށްވެސް އެޑިއުކޭޝަން މިނިސްޓްރު ވަނީ އިލްތިމާސް ކުރައްވައިފައެވެ.
ރޭ ހައިއެޗީވާސް އެވޯޑް ހާސިލް ކުރި ދަރިވަރުންނަށް އިޝާރާތް ކުރައްވައި މިނިސްޓަރު ވަނީ އެ ދަރިވަރުން ގައުމުގެ ތަރައްގީ އަށާ ކުރިއެރުމަށް ސާބިތުކަމާއެކު ހިދުމަތް ކުރުން މަތީ ދެމިތިބުމަށް އިލްތިމާސް ކުރައްވައިފައެވެ.
އޭނާ ވިދާޅުވީ ރާއްޖެއަށް ހިދުމަތް ކުރުމުގެ އެންމެ އިސް ސަފުގައި ތިބެން ޖެހޭނީ އެފަދަ ކުޅަދާނަ ވިސްނުންތޫނު ހިތްމަތްތެރި ދިވެހި ދަރިން ކަމަށެވެ.