ދިޔަވަރު ބޮޑުވެ ރާއްޖޭގެ އެކި ހިސާބުތަކަށް އުދައިގެ އަސަރު ކުރަން ފަށައިފިއެވެ.
އެގޮތުން މާލެއަށް ވެސް ވަނީ އުދައިގެ އަސަރު ކޮށްފައެވެ. މާލޭގެ އިރުމަތީ ފަރާތު ކާނިވާ ސަރަހައްދަށް ވަނީ އުދައިގެ އަސަރު ކޮށްފައެވެ.
ALERT WHITE
— Maldives Meteorology (@MetMaldives) June 22, 2018
INFORMATION:
Swell wave surges are expected.
Area: central and southern atolls.
Period: 22/2030 hrs - 22/2230 hrs.
ISSUED: 2010 hrs 22 June 2018.
-MetService-
މެޓް އޮފީހުގެ އޮފިޝަލަކު ސަން އަށް ވިދާޅުވީ ދެކުނާއި މެދުރާއްޖެ ތެރެއަށް އުދައިގެ އަސަރު ކުރާނެ ކަމަށެވެ. އެގޮތުން މިރޭ 8:30 އިން 10:30 އަށް އެކި ސަރަހައްދުތަކަށް އުދައިގެ އަސަރު ކުރާނެ ކަމަށް ލަފާކުރެވޭ ކަމަށް މެޓުން ބުނެއެވެ.
ދިޔަވަރު ބޮޑުވެ ރާއްޖޭގެ އެކި ސަރަހައްދުތަކަށް އުދައެރުން --- ސަން ފޮޓޯ/ ފަޔާޒް މޫސާ
"މިއީ މޫސުމީ ކަމެއް. އާންމުކޮށް ހުޅަނގު މޫސުމުގައި ދިޔަވަރު ބޮޑުވާ ވަގުތު އުދަ އަރާނެ،" މެޓުގެ އޮފިޝަލު ވިދާޅުވިއެވެ.
މެޓުން ބުނީ މާދަމާ އަދި މާދަމާ ރޭވެސް އެކި ސަރަހައްދުތަކަށް އުދައިގެ އަސަރު ކުރާނެ ކަމަށެވެ.
ދިޔަވަރު ބޮޑުވެ ރާއްޖޭގެ އެކި ސަރަހައްދުތަކަށް އުދައެރުން --- ސަން ފޮޓޯ/ ފަޔާޒް މޫސާ
މާދަމާ ހެނދުނު ރާއްޖޭގެ އުތުރަށް ދިޔަވަރު އެންމެ ބޮޑުވާނީ ހެނދުނު 9:07 ގައި ކަމަށާއި މެދު ރާއްޖެ ތެރެއަށް ހެނދުނު ދިޔަވަރު ބޮޑުވާނީ 9:56 ގައި އަދި ދެކުނަށް ދިޔަވަރު ބޮޑުވާނީ 10:43 ގައި ކަމަށް މެޓުން ބުނެއެވެ. މެޓުން ބުނީ އިރު އޮއްސޭއިރު ރާއްޖޭގެ ހުރިހާ ސަރަހައްދަކަށް ވެސް އޮންނާނީ ބޮޑު ދިޔަ ކަމަށެވެ.
ދިޔަވަރު ބޮޑުވާ ވަގުތު އުދައިގެ އަސަރު އެންމެ ބޮޑަށް ކުރާނީ ދެކުނާއި މެދުރާއްޖެ ތެރެއަށް ކަމަށް ލަފާކޮށް މެޓުން ވަނީ ވައިޓް އެލާޓްވެސް ނެރެފައެވެ.