ސުޕްރީމް ކޯޓުގެ ފަނޑިޔާރު އަލީ ހަމީދު މުހައްމަދުގެ މައްޗަށް ދައަލަތުން އުފުލާފައިވާ ސަރުކާރުގެ އެއްޗެއް އަމިއްލަ ފައިދާއަށް ބޭނުންކުރުމުގެ ދައުވާގެ އަޑުއެހުމެއް މާދަމާއަށް ތާވަލުކޮށްފިއެވެ.
އެ ދައުވާގެ ފުރަތަމަ އަޑުއެހުން މާދަމާ 11:00 ޖަހާއިރަށް ތާވަލުކޮށްފައިވާއިރު މިހާރު ވެސް އަލީ ހަމީދުގެ މައްޗަށް ވަނީ ތިން ދައުވާއެއް އުފުލައި ޝަރީއަތް ފަށައިފައެވެ.
ފަނޑިޔާރު އަލީ ހަމީދުގެ މައްޗަށް ދައުލަތުން އުފުލާފައިވަނީ އަދުލު އިންސާފު ގާއިމުކުރުމަށް ހުރަސް އެޅުމުގެ ދައުވާއާއި ރިޝްވަތު ހިފުމުގެ ދައުވާގެ އިތުރުން ޓެރަރިޒަމްގެ އަމަލެއް ކުރަން އުޅުނު ކަމުގެ ދައުވާއެވެ.
ފަނޑިޔާރު އަލީ ހަމީދުގެ މައްޗަށް ދައުލަތުން އުފުލާފައިވާ، ރަސްމީ ހައިސިއްޔަތުން ކުރަންޖެހޭ ކަންކަމަށް ނުފޫޒު ފޯރުވުމުގެ ދައުވާ ސާބިތުވެ އާނޭގެ މައްޗަށް ކްރިމިނަލް ކޯޓުން ވަނީ އެއް އަހަރާ ހަތް މަހާއި ހަ ދުވަހުގެ ޖަލު ހުކުމެއް ކޮށްފައެވެ. އެ މައްސަލައިގެ އިސްތިއުނާފް އަޑުއެހުންތައް ހައި ކޯޓުގައި މިހާރު ވަނީ ފަށައިފައެވެ.