އުވާލުމުގެ މަސައްކަތް ކުރަމުންދާ މޯލްޑިވްސް ރޯޑް ޑިވެލޮޕްމެންޓް ކޯޕަރޭޝަން (އެމްއާރުޑީސީ)ގެ މެނޭޖިންގް ޑިރެކްޓަރުކަމުގައި ހުންނެވި ހ. ރަންގަލި، ހަމްދީ އަގީލް ހައުސިންގް މިނިސްޓްރީގެ ސީނިއާ ޕޮލިސީ އެގްޒެކެޓިވްގެ މަގާމަށް އައްޔަނުކޮށްފިއެވެ.
ރައީސް އޮފީހުން ބުނީ، ހަމްދީ އެ މަގާމަށް އައްޔަން ކުރެއްވީ މިއަދު ކަމަށެވެ. ޕޮލިސީ އެގްޒެކެޓިވަކީ ޑެޕިއުޓީ މިނިސްޓަރު ފެންވަރުގެ މަގާމެކެވެ.
އެމްއާރުޑީސީ ލިކުއިޑޭޓުކުރަމުން ދާ އިރު، އެކުންފުނީގެ ޑެޕިއުޓީ މެނޭޖިންގް ޑިރެކްޓަރުކަމުގައި ހުންނެވި މއ. އެރަލްސީ، އަހްމަދު މަމްދޫހުވެސް ވަނީ ދާދި ފަހުން އިކޮނޮމިކް މިނިސްޓްރީގެ ޑެޕިއުޓީ މިނިސްޓަރުގެ މަގާމަށް އައްޔަނުކޮށްފައެވެ.
ރީޖަނަލް އެއާޕޯޓްސްގެ ޑިރެކްޓަރު ޖެނެރަލް ސާމީ އަގީލްގެ ކޮއްކޮ ހަމްދީ ވަނީ މީގެ ކުރިން ސަރުކާރުގެ ބައެއް މަގާމުތައް ވެސް ފުރުއްވައިފައެވެ.
އޭގެ ތެރޭގައި ފިނޭންސް މިނިސްޓްރީގެ އެގްޒެކެޓިވް ޑިރެކްޓަރުކަމާއި އެސްޓީއޯ ގޭހުގެ ޗެއާމަންކަން ހިމެނެއެވެ.
ހައުސިން މިނިސްޓްރީގެ ސީނިއާ ޕޮލިސީ އެގްޒެކެޓިވްގެ މަގާމަށް ހަމްދީ އައްޔަން ކުރެއްވިއިރު، އެ މިނިސްޓްރީގައި މިހާރު ވެސް ހަތަރު ޑެޕިއުޓީ މިނިސްޓަރުންނާއި ހަތަރު ސީނިއާ ޕޮލިސީ އެގްޒެކެޓިވް އިން ތިއްބަވައެވެ.