ވިލިމާލޭ ގެއެއްގައި އަލިފާންރޯވެއްޖެއެވެ.
އެމްއެންޑީއެފްގެ އިންފޮމެޝަން އޮފިސަރު ކެޕްޓަން އިބްރާހިމް އާޒިމް ވިދާޅުވީ މިރޭ ދަންވަރު 2:19 އެހައިކަންހާއިރު އަލިފާން ރޯވެފައި ވަނީ ވިލިމާލޭ ކުނި ގޮނޑު ކައިރީ ހުރި ފަޅު ގެއެއްގައި ކަމަށެވެ.
އެ ހާދިސާގައި އެއްވެސް މީހަކަށް ގެއްލުމެށް ލިބިފައިނުވެއެވެ. އާޒިމް ވިދާޅުވީ މިރޭ ފަތިހު 4:08 އެހައިކަންހާއިރު އަލިފާންގަނޑު ކޮންޓްރޯލް ކުރެވިފައިވާ ކަމަށެވެ.
ވިލިމާލޭ ފަޅުގެއެއްގައި ރޯވި އަލިފާންގަނޑު ކޮންޓްރޯލްކުރުމަށް ސިފައިން ހަރަކާތްތެރި ވަނީ --- ފޮޓޯ/ އެމްއެންޑީއެފް
އެ ފަޅުގޭގައި ރޯވި އަލިފާން ކޮންޓްރޯލްކުރުމަށް މާލެއިން ވަނީ ފަޔާއެންޑް ރެސްކިއުގެ ޚާއްސަ ޓީމެއް ވިލިމާލެއަށް ގޮސްފައެވެ.
އެ މައްސަލަ ތަހުގީގު ކުރުމަށްޓަކައި ފުލުހުންގެ ޓީމެއް އެ ސަރަހައްދުގައި އަންނަނީ ހަރަކާތްތެރިވަމުންނެވެ.