އިލެކްޝަންސް ކޮމިޝަނުގެ ރައީސް އަހުމަދު ސުލައިމާނު މަގާމުން އިސްއިތުފާ ދެއްވައިފި އެވެ.
"ސަން"އަށް އެނގިފައިވާ ގޮތުން ސުލައިމާނު އިސްތިއުފާ ހުށަހެޅުއްވީ މިއަދު އެވެ.
ސުލައިމާން ވަނީ އިލެކްޝަންސް ކޮމިޝަނުގެ ރައީސްކަމުންނާއި މެމްބަރު ކަމުންވެސް އިސްއިތުފާ ދެއްވައިފަ އެވެ.
ސުލައިމާން އިސްތިއުފާ ދެއްވި ސަބަބެއް އަދި ވަނީ ސާފުވާގޮތް ނުވެފަ އެވެ.
އޭނާ އިސްތިއުފާ ދެއްވާފައި މިވަނީ މަޖިލީހުގެ 12 މެމްބަރެއްގެ ގޮނޑި ހުސްވެފައިވާ ކަމަށް އިލެކްޝަނުން ކަނޑައެޅިތާ 60 ދުވަސް ހަމަވެ، ބައި އިލެކްޝަން ނުބާއްވާތީ އިދިކޮޅު ފަރާތްތަކުން ކަންބޮޑުވުން ފާޅު ކުރަމުންދާ ދަނޑިވަޅެއްގަ އެވެ.
ގޮނޑި ގެއްލުނީ ކަމަށް އިލެކްޝަނަށް ކަނޑަ ނޭޅޭނެ ކަމަށް ބުނެ މެމްބަރުން ވަނީ އެ މައްސަލަ ސުޕްރީމް ކޯޓަށް ހުށަހަޅައިފަ އެވެ.