ޑައިރެކްޓަރު އަދި ޕްރޮޑިއުސަރު އަބްދުލް ފައްތާހު ފިލްމީ ދާއިރާ ދޫކޮށްލައިފި ކަމަށް އިއުލާނު ކޮށްފިއެވެ.
ފައްތާހު އޭނާގެ ފޭސްބުކްގައި ބުނެފައިވަނީ ފިލްމީ ދާއިރާއިން ދެން ނުފެއްނާނެ ކަމަށާ، ދާއިރާގައި މަސައްކަތްކުރި ހުރިހާ އެންމެންނަށް ޝުކުރު އަދާކުރާ ކަމަށެވެ.
ފިލްމީ ދާއިރާ ދޫކޮށްލިކަމަށް ބުނެ ފައްތާހު ފޭސްބުކްގައި ޖެހި ސްޓޭޓަސް --ފައްތާހު ފިލްމީ ދާއިރާއާ ދުރަށް ދިޔަކަން ފޭސްބުކްގައި ރޭ އިއުލާނުކޮށްފައި ވާއިރު، ސަން އާ ވާހަކަ ދައްކަމުން އޭނާ ބުނީ "ފިލްމީ ދާއިރާ ދޫކޮށްލައިފިން،" ކަމަށާއި ފިލްމީ ދާއިރާއާ ދުރަށް ދިޔައީ ވަކި ސަބަބެއް އޮވެގެން ނޫން ކަމަށެވެ.
"އެއްވެސް ރީޒަނެއް ނެތް" ފައްތާހު މިއަދު ބުންޏެވެ.
ފައްތާހު ފިލްމީ ދާއިރާ ދޫކޮށްލާފައި މިވަނީ ދާއިރާގައި މަސައްކަތް ކުރާތާ 21 އަހަރު ފަހުންނެވެ. އޭނާގެ 12 ވަނަ ފީޗާ ފިލްމް "ހައްދު" މިއަހަރު ވަނީ ބެލުންތެރިންނާ ހަމައަށް ގެނެސްދީފައެވެ.