ދަރިމައިވުމުގެ މައްސަލަތައް ކުރިމަތިވާ ވަރަށް ގިނަ ދިވެހިން ރާއްޖޭގައި އުޅެވެ. އެތަކެއް ހާސް ރުފިޔާއެއް ޚަރަދުކޮށްގެން އެކި ހޮސްޕިޓަލުތަކަށް ގޮސްގެންވެސް ހައްލެއް ނުލިބިގެން އުއްމީދު ކަނޑައިލައިފައިވާ ކިތަންމެ ދިވެހިންނެއް އުޅެއެވެ.
އަވަށްޓެރި އިންޑިއާގެ ބެންގަލޫރުގައި ހިންގާ އެންޔޫ ހޮސްޕިޓަލަކީ ސީދާ ދަރިމައިވުމުގެ މައްސަލަތަކަށް ފަރުވާދިނުމުގެ ގޮތުން ހިންގާ ހޮސްޕިޓަލެކެވެ.
ނޭޝަނަލް އާޓް ގެލެރީގައި ބުރާސްފަތި ދުވަހުން ފެށިގެން މިރޭގެ ނިޔަލަށް ކުރިއަށްދާ މޯލްޑިވްސް މެޑިކަލް އެންޑް ހެލްތު އެކްސްޕޯއަށް ޒިޔާރަތްކޮށްލާށެވެ. އެއަށްފަހު، އެތަނުގައި ހުރި އެންޔޫ ހޮސްޕިޓަލުގެެ ސްޓޯލަށް ވަދެލާށެވެ. އެތަނުން އެ ކްލިނިކްގެ ބިޒްނަސް ކާޑެއް ހޯދަން ހަނދާން ނައްތައި ނުލާށެވެ.
އެންޔޫ ހޮސްޕިޓަލުން ލިބޭ ހިދުމަތްތައް
މީގެ ދެއަހަރު ކުރިން އިންޑިއާގެ ބެންގަލޫރުގައި ހުޅުވި އެންޔޫ ހޮސްޕިޓަލުގެ ރީޖިނަލް އެންޑް ފާޓިލިޓީ ކްލިނިކެއް ވަނީ އައިޖީއެމްއެޗްގައި ވެސް ގާއިމްކޮށްފައެވެ.
އެންޔޫ ހޮސްޕިޓަލުގެ އެޑްމިނިސްޓްރޭޓަރު އަވިތް ސަހާނާ ޕޯލް "ސަން" އަށް ވިދާޅުވީ އެ ހޮސްޕިޓަލުގައި ދަރިމައިވުމަށް ވަކިން ޚާއްސަ ލެބޯޓަރީއެއްގެ ޚިދުމަތްދެމުންދާ ކަމަށާއި އާދައިގެ ލެބޯޓަރީތަކުން ލިބޭ ޚިދުމަތްތަކަށް ވުރެ މާފުރިހަމަ ޚިދުމަތްތަކެއް އެ ލެބޯޓަރީން ލިބިގެންދާނެ ކަމަށެވެ.
އެ ހޮސްޕިޓަލުގެ ޑިޕާޓްމަންޓް އޮފް ރިޕްރޮޑަކްޓިވް ހެލްތު ސީނިއާ ކޮންސަލްޓަންޓެއް ކަަމަށްވާ ސަހާނާ ވިދާޅުވިގޮތުގައި ދަރިމައިވުމަށް ފަރުވާ ދިނުމުގައި އެ ހޮސްޕިޓަލުން ފަރުވާ ދިނުމުގައި ގިނަ ޓެސްޓުތަކެއް ހަދައެވެ.
ސީދާ އައިވީއެފް ހެދުމަށް ވުރެ އެ ހޮސްޕިޓަލުން ބަލަނީ ބޭހާއި އެހެނިހެން ގޮތްގޮތުން ފަރުވާ ދީގެން ފުރަތަމަ މައްސަލަތައް ހައްލުކުރެވޭތޯއެވެ. އައިވީއެފް ހަދަނީ އެނޫންގޮތެއް ނެތުމުން ކަމަށް އޭނާ ވިދާޅުވިއެވެ.
އެންޔޫ ހޮސްޕިޓަލް: ދަރިމައިވުމުގައި ދިވާމާ ގިނަ މައްސަލަތަކަށް އެހޮސްޕިޓަލުން ފަރުވާދޭ
ދަރިމަވުމަށް އެ ހޮސްޕިޓަލުން ދޭ ފަރުވާތައް ރަނގަޅުތަ؟
ސަހާނާ ވިދާޅުވީ އެ ހޮސްޕިޓަލުން ފަރުވާ ހޯދާމީހުންގެ ތެރެއިން 60 އިންސައްތަ މީހުންގެ ފަރުވާ ކާމިޔާބުވެފައިވާ ކަމަށެވެ.
އެންޔޫ ހޮސްޕިޓަލުން ފަރުވާހޯދާ މީހުންގެ ތެރެއިން 60 ޕަސެންޓް މީހުންނަކީ ދިވެހިންކަން ވެސް ސަހާނާ ފާހަގަކުރެއްވިއެވެ.
ސަހާނާ ވިދާޅުވީ އެ ހޮސްޕިޓަލުން ފަރުވާ ހޯދައިފައިވާ ގިނަ ދިވެހިންގެ ފަރުވާ ކާމިޔާބުވެފައިވާ ކަމަށެވެ. އެގޮތުން ދާދި ފަހުން އެ ހޮސްޕިޓަލުން ފަރުވާ ހޯދި އަންހެނެއްގެ އޮވަރީގައި ގިނަ ސިސްޓުތަކެއް ހުރުމުގެ ސަބަބުން އެ ސިސްޓުތައް ނެގުމަށްފަހު، އައިވީއެފް ހެދުމުގެ ސަބަބުން މިހާރު އެމީހުން އިނީ ބަލިވެކަމަށް ސަހާނާ ވިދާޅުވިއެވެ.
ދަރިމައިވުމުގެ މައްސަލަތައް ހުންނަ ދެ ޖިންސުގެ މީހުންނަށް ވެސް ފަރުވާދޭ އެ ހޮސްޕިޓަލުގައި ދާދި ފަހުން ފަރުވާ ހޯދި ފިރިހެނެއްގެ ދަރިފަނީގައި މައްސަލައުޅުމުން އެކަމަށް ބޭސް ދީ އައިވީއެފް ހެދުމަށްފަހު އޭނާގެ އަންހެނުން މިހާރު އިނީ ބަލިވެ ކަމަށްވެސް ޑރ. ސަހާނާ ވިދާޅުވިއެވެ.
ދަރިމައިވުމުގައި ރާއްޖޭގައި މައްސަލަތައް ދިމާވަނީ ކީއްވެ؟
ރާއްޖޭގައި ގިނަ އަދަދަކަށް ދަރިމައިވުމުގެ މައްސަލަތައް ފެންނަން ފަށައިފައިވާއިރު މިއީ މުޅިދުނިޔޭގެ ހުރިހާ ތަނެއްގައި ހާލަތުކަމަށް ޑރ. ސަހާނާ ވިދާޅުވިއެވެ.
ސަހާނާ ވިދާޅުވީ ރާއްޖޭގައި ގިނައަދަދެއްގެ އަންހެނުންނަށް ގަވާއިދުން މައްސަރުކަންތައް ދިމާވުމުގައި މައްސަލައުޅޭކަމަށާއި އެއީ ދަރިމައިވުމަށް އެޅޭ ހުރަހެއް ކަމަށެވެ. އަދި ދުންފަތުގެ އިސްތިއުމާލުކުރުމާއި ދިރިއުޅުމުގައި ގެންގުޅޭ ނުރަނގަޅު އާދަތަކުގެ ސަބަބުން ވެސް ދަރިމައިވުމުގައި މައްސަލަތައް ދިމާވާކަން ސަހާނާ ފާހަގަކުރެއްވިއެވެ.
އެންޔޫ ހޮސްޕިޓަލް: ދަރިމައިވުމުގައި ދިވާމާ ގިނަ މައްސަލަތަކަށް އެހޮސްޕިޓަލުން ފަރުވާދޭ
އެންޔޫ ހޮސްޕިޓަލަށް ދިވެހިންގެ އިހްސާސްތައްވެސް ވަރަށް ރަނގަޅަށް އެނގޭ
އެ ހޮސްޕިޓަލުން ފަރުވާ ހޯދާ މީހުން އެ ހޮސްޕިޓަލަށް ޚިދުމަތް ހޯދަން ބޭނުންނަމަ ޕިކްއަޕް ގެ ޚިދުމަތް ވެސް ދެނީ މުޅިން ހިލެއެވެ.
އެވަރަކުން ފުދުނީއެއް ނޫނެވެ. ހޮސްޕިޓަލުގައި އެކޮމެޑޭޝަން ބްލޮކެއް ގާއިމްކޮށްފައިވާއިރު، ދިވެހިންނަށް ޚާއްސަކޮށްގެން ސީދާ ދިވެހި ކެއުން ލިބޭނެ ފުރިހަމަ އިންތިޒާމް ވެސް ވަނީ ހަމަޖައްސައިފައެވެ.
އިންޑިއާގައި ޚިދުމަތްހޯދާ ދުވަސްވަރު ތަންތަން ބަލާލަން ބޭނުންވާނަމަ އެ ހޮސްޕިޓަލުގެ ވެހިކަލްތަކުގައި އެ ޚިދުމަތްވެސް ލިބޭނެ އިންތިޒާމްވެސް ވަނީ ހަމަޖައްސައިފައެވެ.
ވަރަށް ގިނަ އަދަދެއްގެ ދިވެހިން މިހާރުވެސް އެހޮސްޕިޓަލުން ފަރުވާ ހޯދަމުންދާއިރު، އެ ހޮސްޕިޓަލާ ގުޅޭ އިތުރު މައުލޫމާތު ހޯދުމަށް މިރޭ 10:00 ގެ ކުރިން އަވަހަށް އާތް ގެލެރީއަށް ޒިޔާރަތްކޮށްލައްވާ!