ނ. މާޅެންދޫގައި އިއްޔެ ދަންޖެހިފައި ހުއްޓާ ފެނުނު ކުއްޖާގެ ހަށިގަނޑު އިތުރު ޓެސްޓު ތަކެއް ހެދުމަށް މާލެ ގެނެސްފި އެވެ.
ފުލުހުން ވަނީ އެކަން 'ސަން' އަށް ކަށަވަރުކޮށްދީފައެވެ.
ފުލުހުންގެ މީޑިއާ އޮފިޝަލް ވިދާޅުވީ، އެ ކުއްޖާގެ ހަށިގަނޑުގެ އިތުރު ޓެސްޓު ތަކެއް ހެދުމަށްޓަކައި މިއަދު ހެނދުނު މާލެ ގެނެސް އައިޖީއެމްއެޗަށް ގެންގޮސްފައިވާ ކަމަށެވެ. އިތުރު ތަފްސީލެއް ފުލުހުން ނުދެއެވެ.
އުމުރުން 11 އަހަރުގެ އެ ކުއްޖާ މަރުވެފައިވަނީ އިއްޔެ މެންދުރުފަހު 2:15 ހާއިރު އެވެ.
އިއްޔެ ޖެންޑާ މިނިސްޓްރީން ނެރުނު ބަޔާނެއްގައި ބުނީ އެ ކުއްޖާގެ މައްސަލައެއް މީގެ ކުރިން ނ. އަތޮޅުގެ ފެމިލީ އެންޑް ޗިލްޑްރެންސް ސާވިސް ސެންޓަރަށް އަދި އެ މިނިސްޓްރީއަށް ވެސް ހުށަހަޅާފައި ނުވާ ކަމަށެވެ.