ކ. ހިންމަފުށީގައި ކާނާ ވިހަވެގެން ފަރުވާ ހޯދަމުން ދިޔަ ބިދޭސީއަކު މަރުވެއްޖެ އެވެ.
ހިންމަފުށީ ސިއްހީ މަރުކަޒުގެ އިންޗާޖާ ހަވާލާދީ ކައުންސިލްގެ ރައީސް ޝާން އިބްރާހިމް ވިދާޅުވީ އެ ރަށުގައި މަސް ބަންދުކުރާ ކާރުހާނާއެއްގައި މަސަތްކަތް ކުރާ 10 ވަރަކަށް ބިދޭސީން ކާނާ ވިހަވަގެން ސިއްހީ މަރުކަޒަށް ގެނައި ކަމަށެވެ.
ސިއްހީ މަރުކަޒުން އަޅުގަނޑަށް މައުލޫމާތި ދިނީ އެ މީހާ މަރުވީ ކާނާ ވިހަވެގެން ނޫން ކަމަށް. އޭނާ އަކީ ސިއްހީ ގިނަ މައްސަލަތަކެއް ހުންނަ މީހެއް، ހިތުގެ މައްސަލަ ވެސް ހުންނަ މީހެއް ހިންމަފުށީ ކައުންސިލްގެ ރައީސް
ފަރުވާ ދިނުމަށްފަހު 10 މީހުން ވެސް ދޫކޮށްލި ނަމަވެސް އެކަކުގެ ހާލު ސީރިއަސް ވެގެން އަލުން ގެނެސް ފަރުވާ ދެމުން ދަނިކޮށް މަރުވީ ކަމަށް ވެސް ޝާން ވިދާޅުވި އެވެ.
"ސިއްހީ މަރުކަޒުން އަޅުގަނޑަށް މައުލޫމާތި ދިނީ އެ މީހާ މަރުވީ ކާނާ ވިހަވެގެން ނޫން ކަމަށް. އޭނާ އަކީ ސިއްހީ ގިނަ މައްސަލަތަކެއް ހުންނަ މީހެއް، ހިތުގެ މައްސަލަ ވެސް ހުންނަ މީހެއް،" ޝާން ވިދާޅުވި އެވެ.
ޝާން ވިދާޅުވީ މަރުވި ސަބަބު ޔަގީން ވާނީ މަލެ ގެނެސް ޓެސްޓް ހެދުމުން ކަމަށާއި މިހާރު އަންނަނީ އޭނާގެ ހަށިގަނޑު މާލެ ފޮނުވާލުމުގެ މަސަތްކަތް ކުރަމުން ކަމަށެވެ.