ކޮންފެޑްރޭޝަން ކަޕްގައި މިރޭ ޕޯޗުުގަލްއާ މެކްސިކޯ ކުޅުނު މެޗު ދެ ޓީމު އެއްވަރު ވެގެން ނިމިއްޖެ އެވެ.
މިރޭ ރާއްޖެ ގަޑިން 20:00 ގައި ފެށި އެ މެޗު ނިމުނީ 2-2 ގެ ނަތީޖާއަކުން އެއްވަރުވެގެންނެވެ.
މިރޭގެ މެޗުގައި ފުރަތަމަ ލަނޑެއްޖަހައި ލީޑު ނެގީ ޕޯޗުގަލުންނެވެ. އެ ޓީމުން އެ ލަނޑު ކާމިޔާބުކުރީ މެޗުގެ 35 ވަނަ މިނިޓްގައެވެ. ޕޯޗުގަލަށް ލީޑު ނަގައިދިން ލަނޑު ކާމިޔާބުކުރީ ރެކާޑޯ ގުރޭޝިމާއެވެ.
ފުރަތަމަ ހާފު ނިމެން ދަނިކޮށް މެކްސިކޯއިން ވަނީ ޕޯޗުގަލްގެ ގޯލަށް ނުރައްކާތެރި ަހަމަލާތަކެއް ފޮނުވާލާފަ އެވެ. އަދި 42 ވަނަ މިނިޓްގައި މެކްސިކޯއިން ވަނީ ނަތީޖާ ހަމަހަމަ ކޮށްފައެވެ. އެ ލަނޑު އެ ޓީމަށް ކާމިޔާބުކޮށްދިނީ ޖެވިއާ ހެނާންޑޭޒެވެ.
ދެ ވަނަ ހާފު ފަށައިގެން މޮޅަށް ކުޅެމުންދިޔަ ޕޯޗުގަލަށް އަލުން ލީޑު ނަގައިދީ އުންމީދު އައު ކޮށްދިނީ ކެޑްރިކް ސޯރެސް އެވެ. މެޗު ނިމެން ހަތަރު މިނިޓަށް ވެފައި ވަނިކޮށް މެޗުގެ 86 ވަނަ މިނިޓްގައި އޭނާ ކާމިޔާކުރި ލަނޑާއެކު ޕޯޗުގަގަލް ކުރީގައި އޮތް ނަމަވެސް 90 ވަނަ މިނިޓްގައި މެކްސިކޯ ވަނީ ނަތީޖާ ހަމަހަމަ ކޮށްފައެވެ.
އެ މުބާރާތުަގައި ޕޯޗުގަލް ދެން ވާދަކުރާނީ ރަޝިއާއެވެ. އަދި މެކްސިކޯ ނުކުންނާނީ ނިއުޒިލޭންޑާ ދެކޮޅަށެވެ.