ދިވެހި ފުޓްބޯޅަ ދުށް މޮޅެތި ކުޅުންތެރީންގެ ތެރޭގައި ހިމެނޭ، ގައުމީ ޓީމުގެ ކުރީގެ ކުޅުންތެރިއާ އިބްރާހިމް ފަޒީލް (އޮއްޕޮ) ރާއްޖޭގެ އެންމެ ބޮޑު އެއް ކުލަބު ކަމަށްވާ ނިއުރޭޑިއަންޓް ސްޕޯޓްސްގެ ފަރިތަކުރުންތަކުގައި ބައިވެރިވެއްޖެއެވެ.
އޮއްޕޮ ނިއުގެ ޕްރެކްޓިސްއަށް މިއަދު ނުކުތްކަން ނިއުރޭޑިއަންޓުގެ ސަޕޯޓަރުންގެ ފޭސްބުކް ޕޭޖްގައިވަނީ ހާމަކޮށްފައެވެ.
އޮއްޕޮ މިރޭ ނިއުގެ ފަރިތަކުރުންތަކުގައި ބައިވެރިވެފައިވަނީ އެ ޓީމުގެ ޕްރެކްޓިސް ޖާޒީގައެވެ. ނަމަވެސް އޭނާ އެޓީމާ ގުޅުނުކަން ނިއުރޭޑިއަންޓުންވެސް އަދި އޮއްޕޮވެސް ޔަގީން ކޮށްދީފައެއް ނުވެއެވެ.
އޮއްޕޮ މީގެ ކުރިންވެސް ވަނީ ނިއުރޭޑިއަންޓަށް ކުޅެފައެވެ. އޭނާ ތިން ފަހަރެއްގެ މަތިން ނިއުއަށް ކުޅުނު އިރު އެންމެ ފަހުން އޭނާ އެޓީމަށް ކުޅެފައިވަނީ 2014 ވަނަ އަހަރުއެވެ.
ނިއުގެ ސްކޮޑުން 2015 ވަނަ އަހަރާ ހަމައަށް އޮއްޕޮ ފެނިފައިވަނީ އޭނާ އެންމެ ފަހުން ފެނިފައި ވަނީ، ވޭލްސްގެ ހަ ވަނަ ޑިވިޝަނުގެ ކްލަބެއް ކަމަށްވާ ބޮޑޯގަން އެފްސީއިންނެވެ. އަދި މި އަހަރު އޭނާވަނީ އެ ގައުމުގެ އެހެން ޑިވިޝަނުގެ ޓީމަކަށްވެސް ކުޅެފައެވެ.