ދައުލަތުގެ މީޑިއާ ޕަބްލިކް ސާވިސް މީޑިއާ (ޕީއެސްއެމް) އިން ހިންގަމުން އަންނަ ބައެއް މުހިއްމު ފޭސްބުކް ޕޭޖުތަކާއި ޕީއެސްއެމްގެ ބައެއް އިސްވެރިންގެ ފޭސްބުކް އެކައުންޓުތަކެއް ހެކްކޮށްފި އެވެ.
ޓެލެވިޒަން މޯލްޑިވްސްގެ އޮފިޝަލު ޓްވީޓާ އެކައުންޓުން މީގެ ގަޑިއިރެއް ކުރިން ކޮށްފައިވާ ޓްވީޓެއްގައި ބުނެފައި ވަނީ، ޕީއެސްއެމުން ހިންގާ ބައެއް ފޭސްބުކް ޕޭޖުތައް ހެކްކޮށްފައިވާ ކަމަށެވެ.
ހެކްކޮށްފައިވާ ބައެއް ޕޭޖްތަކުގެ ތެރޭގައި މޯލްޑިވިއަން އައިޑޮލް އާއި ޓީވީއެމްގެ ފޭސްބުކް ޕޭޖް ހިމެނޭ ކަމަށް ބުނެފައިވެ އެވެ.
ޕީއެސްއެމުން ހިންގާ ބައެއް ފޭސްބުކް ޕޭޖުތަކުގެ އިތުރުން އެތަނުގެ ބައެއް އިސްވެރިންގެ އަމިއްލަ ފޭސްބުކް އެކައުންޓު ވެސް ވަނީ ހެކްކޮށްފަ އެވެ.
ހެކްކޮށްފައިވާ ބައެއް އެކައުންޓުތަކުގެ ތެރޭގައި ޕީއެސްއެމްގެ ޑެޕިއުޓީ މެނޭޖިން ޑިރެކްޓަރު ޝާޔަން ޝާހިދާއި ޓީވީއެމްގެ ނިއުސް ހެޑް މުހައްމަދު ނިޔާޒުގެ އެކައުންޓް ހިމެނެއެވެ.
ޝާޔަން ވިދާޅުވީ، ހެކްކުރި މައްސަލަ ހައްލުކުރުމަށް ޕީއެސްއެމްގެ ޓެކްނިކަލް ޓީމުން މަސައްކަތް ކުރަމުން ގެންދާ ކަމަށެވެ.