ރައްޔިތުންގެ މަޖިލީހުގެ މާފަންނު އިތުރު ދާއިރާގެ މެމްބަރު އަދި އެމްޑީޕީގެ ސުޕޯކްސް ޕާސަން އިމްތިޔާޒް ފަހުމީ (އިންތި) އަށް މަރުގެ އިންޒާރުދިން މައްސަލަ ފުލުހުން ބަލަން ފަށައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ އިންތިއަށް މަރުގެ އިންޒާރުދިން މައްސަލަ ފުލުހުންނަށް ހުށަހެޅިފައި ވަނީ ރޭގެ ވަގުތެއްގައި ކަމަށާއި އެ މައްސަލަ ބަލަމުން އަންނަ ކަމަށެވެ.
އިންތިއަށް މަރުގެ އިންޒާރުދީފައި ވަނީ ވައިބާ މެދުވެރިކޮށެވެ. އުރީދޫ ނަންބަރަކުން އޭނާ އަށް ފޮނުވާފައިވާ ވައިބާ މެސެޖެއްގައި ވަޅިހަރައި މަރާލާނެ ކަމަށް ބުނެ ވަނީ އިންޒާރުދީފައެވެ.
ރައްޔިތުންގެ މަޖިލީހުގެ މެމްބަރުންތަކަކަށް މީގެކުރިން ވެސް ވަނީ އެސްއެމްއެސް މެދުވެރިކޮށް އިންޒާރުދީފައެވެ. ނަމަވެސް އިންޒާރުދިން ބައެއް އަދިވެސް ހޯދިފައެއް ނުވެއެވެ.