ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެމްބަރު ގާސިމް އިބްރާހީމް ހޮސްޕިޓަލްގައި އެޑްމިޓްކޮށްފިއެވެ.
ޖުމްހޫރީ ޕާޓީގެ ސެކްރެޓަރީ ޖެނެރަލް އަހުމަދު ސަމީރު "ސަން" އަށް ވިދާޅުވީ ގާސިމް މެޑިކާ ހޮސްޕިޓަލްގައި އެޑްމިޓް ކުރީ މިއަދު 12:30 އެހައިކަންހާއިރު ކަމަށެވެ.
ސަމީރު ވިދާޅުވީ ކާރުކޮޅުގައި ބަންޑާރަ މިސްކިތް ކައިރިން ވަޑައިގަންނަވަނިކޮށް ނޭވާ ހާސްވާގޮތްވެ، ދާހިއްލައި ހޮޑުލަވައިގަތީ ކަމަށެވެ.
"މިވަގުތު ގާސިމް އިބްރާހީމް އޮންނެވީ އޮބްޒަވޭޝަންގައި. އަދި އަޅުގަނޑުމެންނަކަށް ނޭނގެ ކިހިނެތްވީ ކަމެއްކަން،" ސަމީރު ވިދާޅުވިއެވެ.
ގާސިމް ހޮސްޕިޓަލްގައި އެޑްމިޓްކޮށްފައިވާއިރު، މިއަދު 2:00 އަށް ވަނީ އޭނާގެ މައްޗަށް އުފުލާފައިވާ ދައުވާތަކުގެ އަޑުއެހުން ތާވަލްކޮށްފައެވެ.
ޖުމްހޫރީ ޕާޓީގެ ސެކްރެޓަރީ ޖެނެރަލް ސަމީރު ވިދާޅުވީ ގާސިމަކީ ހަޒިރުވާންޖެހޭ ކޮންމެ މުއައްސަސާއަކަށް ހާޒިރުވާނެ ބޭފުޅެއް ކަމަށެވެ.