މިމަހު 18 އިން ފެށިގެން 29 ގެ ނިޔަލަށް ކުޑަކުދިންނަށް އަމާޒުކޮށްގެން، ސްކިލް ޓްރެއިނިން ސެންޓަރުގެ ފަރާތުން ހިންގި ހޮލިޑޭ ޕެކޭޖުގެ ތިންވަނަ ބުރު މިއަދު ނިންމާލައިފި އެވެ.
އެ ޕްރޮގްރާމްގައި ތިން އަހަރާއި 12 އަހަރާ ދެމެދުގެ އުމުރުފުރައިގެ މުޅި ޖުމްލަ 40 ކުދިން ބައިވެރިވެފައިވާ ކަމަށް އެ ސެންޓަރުން މައުލޫމާތުދެ އެވެ. އަދި އެއީ ނޮވެމްބަރު މަހުގެ 20 ވަނަ ދުވަހުން ފެށިގެން 10 ދުވަހަށް ބަހާލައިގެން ޕެކޭޖް އެކެއް، ދޭއް އަދި ތިނެއްގެ ނަމުގައި ހިންގުނު ޕްރޮގްރާމްތަކެއް ކަމަށް ސްކިލް ޓްރެއިނިން ސެންޓަރުން ބުންޏެވެ.
އެ ސެންޓަރުން ބުނީ އެ ޕްރޮގްރާމްތަކުގެ މަގްސަދަކީ ދަރިވަރުންނަށް އުފާވެރި މަޖާ މާހައުލެއްގެ ތެރޭގައި ސޯޝަލް ސްކިލްސް، ސްޓަޑީ ސްކިލްސް އަދި ކްރިއޭޓިވް އާޓްސްގެ ބައިތައް ހިމަނައިގެން ރަނގަޅުގޮތުގައި ޗުއްޓީ ހޭދަކުރުމަށް މަގުފަހިކޮށްދިނުން ކަމަށް ސްކިލް ޓްރެއިނިން ސެންޓަރުން މައުލޫމާތުދެ އެވެ.
ސްކިލް ޓްރެއިނިން ސެންޓަރުން ތަމްރީން ޕްރޮގްރާމް ފުރިހަމަކުރި ދަރިވަރުން --- ފޮޓޯ/ ސްކިލް ޓްރެއިނިން ސެންޓާ
އޭގެ އިތުރުން ކެއްކުމާއި ވާހަކަދެއްކުމުގެ ހުނަރުގެ އިތުރުން ވަރަށް ގިނަ އެހެނިހެން ހުނަރުތައް ވެސް ހިމަނާފައިވާ އެ ޕްރޮގްރާމް ވަރަށް ކާމިޔާބުގޮތެއްގައި މިއަދު ނިންމާލިއިރު 40 ކުދިންނަށް ޕްރޮގްރާމް ފުރިހަމަ ކުރިކަމުގެ ސެޓްފިކެޓް ދީފައިވާ ކަމަށް ސްކިލް ޓްރެއިނިން ސެންޓަރުން މައުލޫމާތުދެ އެވެ.
އެ ސެންޓަރުން ބުނީ 2017 ވަނަ އަހަރުގެ ސަޓަޑޭ ޕެކޭޖްތަކުގައި ވެސް އެފަދަ ބައިތައް ހިމަނައިގެން ގެންދާނެ ކަމަށެވެ.