ސްޓެލްކޯގެ އިންޖީނަކަށް ދިމާވި މައްސަލަތަކެއް ހައްލުކުރުމަށްޓަކައި މިއަދު 3:30 އިން ފެށިގެން ގަޑިއެއްހާ އިރަށް މާލޭގެ ބައެއް ސަރަހައްދުތަކުން ކަރަންޓް ކެނޑިދާނެ ކަމަށް އެކުންފުނިން ބުނެފިއެވެ.
ސްޓެލްކޯގެ ސީނިއާ އިންޖީނިއަރު އިބްރާހީމް ރައޫފް 'ސަން'އަށް ވިދާޅުވީ، އެކުންފުނީގެ މައި އިންޖީނެއްގެ މަރާމާތުގެ މަސައްކަތް މިއަދު ކުރުމަށްޓަކައި 3:30 އިން ފެށިގެން 4:30އާ ދެމެދު މާލޭގެ ބައެއް ސަރަހައްދުތަކުން ކަރަންޓް ކެނޑުން އެކަށީގެންވާ ކަމަށެވެ.
ކަރަންޓް ކެނޑޭނެ ވަކި ސަރަހައްދެއް ހާމައެއް ނުކުރެއެވެ.
މުޅި މާލެއިން ކަރަންޓް ނުކެނޑޭނެ ކަމަށާއި ކަރަންޓު ކެނޑުނަސް ކެނޑޭނީ ވަކިވަކި ސަރަހައްދުތަކުން، ކުޑައިރުކޮޅަކަށް ކަމަށް އޭނާ ވިދާޅުވިއެވެ.