ތައިލެންޑުގައި ބާއްވާ ދިހަ ވަނަ އޭޝިއަން ނެޓްބޯލް ޗެމްޕިއަންޝިޕްގައި ބައިވެރިވުމަށް ރާއްޖޭގެ ގައުމީ ނެޓްބޯޅަ ޓީމު ފުރައިފި އެވެ.
މިއަދު ތައިލެންޑަށް ފުރި ރާއްޖޭގެ ނެޓްބޯޅަ ޓީމުގައި ހިމެނެނީ 12 ކުޅުންތެރިންނެވެ. އެ ޓީމާއެކު ފަސް އޮފިޝަލުން ވެސް ފުރާފައިވެ އެވެ.
އެ މުބާރާތުގައި ވާދަކުރުމަށް ފުރި ޓީމުގައި ހިމެނޭ ކުޅުންތެރިންނަކީ އަނާން އަލީ ރަޝީދު، އައިމިނަތު ރަބާބް އިބްރާހިމް، އައިޝަތު ނައުމާ ނާޒިމް، އައިމިނަތު ލީލާ، ފާތިމަތު ނައުފާ، އައިޝަތު ހަނާން ހުސައިން، އީމާ އަބްދުލް ސައްތާރު، އައިޝަތު އަނާން އަނިލް، އަދާ އާމިރު، ރާޝިދާ މޫސާ، އައިޝަތު ލޫނާ މޫސާ އަދި ސާރާ އަބްދުލް ބާރީ އެވެ.
ޓީމުގެ ކޯޗެއްގެ ގޮތުގައި ފަޒްނާ ޖަލީލް ފުރި އިރު، އެސިސްޓަންޓް ކޯޗަކީ އާސިމާ އާދަމް އެވެ. އޭގެ އިތުރުން މެނޭޖަރު އައިމިނަތު މުނައްވަރާއި، އެސިސްޓަންޓް މެނޭޖަރު ސުއިޒާ ރާފިއު އަދި އޮފިޝަލް މުހައްމަދު ސާޚީ އަބްދުލް ގަފޫރު ވެސް ޓީމާއެކު ދަތުރުކުރި އެވެ. ރާއްޖޭގެ އަމްޕަޔަރެއް ކަމަށްވާ ރިލްވާން އާދަމް މުބާރާތުގައި އަމްޕަޔަރުކަން ކުރާ އިރު، އޭނާ ވެސް ޓީމާއެކު ފުރި އެވެ.
މުބާރާތުގައި ރާއްޖޭގެ ނެޓްބޯޅަ ޓީމު ހިމެނިފައިވަނީ ސިންގަޕޫރާއި ހޮންކޮންގާއި، ޗައިނީސް ޓައިޕޭ އަދި ތައިލެންޑާއެކު 'ގްރޫޕް އޭ' ގައެވެ. ރާއްޖެ ކުޅޭ ފުރަތަމަ މެޗުގައި އަންނަ އާދީއްތަ ދުވަހު ނުކުންނަން ޖެހޭނީ މުބާރާތް ބާއްވާ ގައުމު ކަމަށް ތައިލެންޑާ ދެކޮޅަށެވެ.