"އަތުމީރު" ބްރޭންޑްގެ ހަވާދުގެ ބާވަތްތައް އުފައްދަން އަލުން ހުއްދަ ދީފިއެވެ.
ފުޑް އެންޑް ޑްރަގް އޮތޯރިޓީ (އެފްޑީއޭ) އިން ވަނީ އެ ތަނުގެ ސާފުތާހިރުކަން ދަށްވުމުގެ ސަބަބުން މިމަހު 19 ވަނަ ދުވަހު އެތަން ބަންދުކޮށްފައެވެ.
އެފްޑީއޭއިން މިއަދު ބުނީ، ގަވާއިދާ އެއްގޮތަށް އެތަން އިސްލާހުކުރުމާ ގުޅިގެން ތަނުގެ މަސައްކަތް ފެށުމަށް އިއްޔެ ހުއްދަ ދީފައިވާ ކަމަށެވެ.
އިއްޔެގެ ކުރިން އުފައްދާފައިވާ އެ ބްރޭންޑުގެ ހަވާދު ބޭނުން ނުކުރުމަށް އަދިވެސް އެފްޑީއޭއިން އިލްތިމާސްކުރެއެވެ.