ކޮމިޝަނަރ ޖެނެރަލް އޮފް ކަސްޓަމްސްގެ މަގާމުން ވަކިކުރެއްވި މުހައްމަދު ޖުނައިދު އަނެއްކާވެސް އެމްޕީއެލްގެ ސީއީއޯ ކަމަށް ރައީސުލްޖުމްހޫރިއްޔާ ބަދަލުކުރައްވައިފި އެވެ.
ޖުނައިދު ވަނީ އެކަން ސަން އަށް ކަށަވަރުކޮށްދެއްވާފަ އެވެ.
އެމްޕީއެލްގެ ސީއީއޯ ކަމުން މަހުދީ އިމާދު ވަކިކުރައްވައި މިދިޔަ އަހަރުގެ އޮކްޓޯބަރު މަހުގެ 10 ވަނަ ދުވަހު ރައީސުލްޖުމްހޫރިއްޔާ ވަނީ އެ މަގާމަށް ޖުނައިދު ހަމަޖައްސަވާފައެވެ. އޭގަފަހުން މިދިޔަ އަހަރުގެ ނޮވެމްބަރު މަހުގެ 17 ވަނަ ދުވަހު ރައީސުލްޖުމްހޫރިއްޔާ ވަނީ ކޮމިޝަނަ ޖެނެރަލް އޮފް ކަސްޓަމްސްގެ މަގާމުގައި ހުންނެވި އައްބާސް އާދިލް ރިޒާ މަގާމުން ވަކިކުރައްވައި އެމަގާމަށް ޖުނައިދު ހަމަޖައްސަވާފައެވެ.
ކޮމިޝަނަރ ޖެނެރަލް އޮފް ކަސްޓަމްސްގެ މަގާމުން ޖުނައިދު މިއަދު ވަކިކުރެއްވުމަށްފަހު އެ މަގާމަށް ރައީސުލްޖުމްހޫރިއްޔާ އައްޔަން ކުރެއްވީ އެމްޕީއެލްގެ ސީއީއޯ އިބްރާހީމް ޝަރީފެވެ.