ބ.އަތޮޅުގައި އޮންނަ ޓޫރިސްޓް ރިސޯޓެއް ކަމަށްވާ ރީތި ބީޗަށް މޫނު ނިވާކޮށްގެން ތިބި ބަޔަކު އަރައި އެރަށުގައި ހުރި ދެތިޖޫރީއެއް ވަގަށް ގެންފޮސްފިއެވެ.
ފުލުހުން ބުނީ އެރަށުން ވައްކަން ކުރި މައްސަލަ ހުށަހެޅީ ރޭ ފަތިހު ކަމަށާއި އެކަން މިހާރު ބަލަމުން އަންނަ ކަމަށެވެ.
"...ގިނަ އަދަދެއްގެ ފައިސާ ހުރި ދެ ތިޖޫރީ ވަގަށް ގެންގޮސްފައިވާ ކަމަށް ރިޕޯޓްކޮށްފައި ވަނީ. މިހާރު އެމައްސަލަ އަންނަނީ ފުލުހުން ތަހުގީގު ކުރަމުން،" ފުލުހުންގެ މީޑިއާ އޮފިޝަލް ވިދާޅުވިއެވެ.
އެކަމާ ގުޅިގެން އަދި މީހަކު ހައްޔަރުކޮށްފައި ނުވާ ކަމަށް ވެސް އޭނާ ވިދާޅުވިއެވެ.
މޫނު ނިވާކޮށްގެން ރިސޯޓަކަށް އަރައި ތިޖޫރީތަކެއް ވަގަށް ނެގި ހާދިސާއެއް މީގެ ދެހަފުތާއެއްހާ ދުވަސް ކުރިން ވެސް ވަނީ ހިނގާފައެވެ. ގަސްފިނޮޅު ރިސޯޓްގައި ހިނގި އެހާދިސާގައި ރިސޯޓްގެ މުވައްޒަފުން ބަނުމަށް ފަހު ހަތަރު ތިޖޫރީއެއް ވަނީ ވަގަށް ގެންގޮސްފައެވެ.