ސައުތު އޭޝިއަން ގޭމްސްގެ ޓެނިސް އިވެންޓުގެ ކުއާޓާ ފައިނަލުން ބަލިވެ މުހައްމަދު ފާރިސް މުބާރާތުން ކަޓައިފި އެވެ.
މިއަދު ހެނދުނު ގުއަހަޓީގައި ކުޅުނު އެ މެޗުން ފާރިސް ބަލިވީ ސްރީލަންކާގެ އެއްނަންބަރު ކުޅުންތެރިއާ ޑިޝަނަޔަކައާ ވާދަކޮށް ސީދާ ދެސެޓުންނެވެ. އޭނާ އެ މެޗުގެ ސެޓްތައް ގެންދިޔައީ 6-1، 6-0 އިންނެވެ.
ފާރިސް ކުއާޓާއަށް ދަތުރުކުރީ އަފްގާނިސްތާންގެ އަސަދުﷲ ކަބީރާގެ މައްޗަށް ކުރިހޯދައިގެންނެވެ. އެމެޗުގެ ސެޓުތައް ދިޔައީ 7-5، 4-6، 6-4 އިންނެވެ.
މިފަހަރުގެ ގޭމްސްގައި ޓެނިސް އިވެންޓ ކުރިއަށް ގެންގޮސްފައި ވަނީ ޓީމް އިވެންޓް ނުހިމަނައި ހަމައެކަނި އިންޑިވިޖުއަލް އިވެންޓް ހިމަނައިގެންނެވެ.
މިއީ ރާއްޖޭގެ ޓެނިސް ކުޅުންތެރިޔަކު ސަރައްދީ މުބާރާތެއްގެ ކުއަޓާ ފައިނަލުން ޖާގަ ހޯދި ފުރަތަމަ ފަހަރުކަން ފާހަގަ ކޮށްލެވެ އެވެ.