އިންޑިއާގައި ކުރިއަށްދާ ސައުތު އޭޝިއަން ގޭމްސްގައި ރާއްޖޭގެ އަންހެން ޓީމު ކުޅުނު ދެވަނަ މެޗުން ނޭޕާލް އަތުން 2-0ގެ ނަތީޖާ އަކުން ބަލިވެއްޖެ އެވެ.
އިންޑިއާގެ ޝެލޮންގް ސްޓޭޓްގެ ޖަވާހިރުލާލް ނެހުރޫ ސްޓޭޑިއަމްގައި މިއަދު ކުޅުނު އެ މެޗުގެ ފުރަތަމަ ގޯލު 36 ވަނަ މިނެޓްގައި އިންޑިއާ އިން ކާމިޔާބު ކުރި އިރު އެ މީހުންގެ ދެ ވަނަ ގޯލު މެޗު ނިމެން ދެ މިނެޓަށް ވެފައިވަނިކޮށް ކާމިޔާބު ކުރީ ނިރޫ ތާޕާ އެވެ.
އަންހެން ޓީމު ވަނީ ފުރަތަމަ މެޗުގައި އިންޑިއާއާ ދެކޮޅަށް ކުޅެ 0-0ގެ ނަތީޖާ އަކުން އެއްވަރު ކޮށްފަ އެވެ.
ފަސް ޓީމު ހިމެނޭ މި އިވެންޓްގައި ރާއްޖޭގެ އިތުރުން ދެން ހިމެނެނީ ބަންގްލަދޭޝް އާއި ނޭޕާލް އާއި ސްރީ ލަންކާ އަދި މުބާރާތް ބާއްވާ އިންޑިއާ އެވެ.
އަފްގާނިސްތާނު ބައިވެރި ނުވާން ނިންމުމުން ލީގު އުސޫލުން ކުރިއަށްދާ އަންހެން ފުޓްބޯޅަ އިވެންޓްގެ ފައިނަލަށް ދަތުރު ކުރާނީ އެންމެ ގިނައިން ޕޮއިންޓް ހޯދާ ދެ ޓީމެވެ. އަދި މި އިވެންޓުން ތިންވަނަ ލިބޭނީ ލީގު ބުރުގެ ތިންވަނަ އަދި ހަތަރުވަނަ ޓީމުގެ މެދުގައި ކުޅޭ މެޗުން މޮޅުވާ ޓީމަށެވެ.
ރާއްޖެ އަށް އެ އިވެންޓްގެ ފައިނަލުން ޖާގައެއް ލިބެން އޮންނާނީ ބަންގްލަދޭޝް އާއި ޕާކިސްތާނާ ދެކޮޅަށް ކުޅޭ މެޗު ކާމިޔާބް ކޮށްގެންނެވެ.