ބްޚްރޭންގައި ތަމްރީން ހަދަމުންދާ ގައުމީ އަންހެން ފްޓްބޯޅަ ޓީމު ކުޅުނު ދެވަނަ މެޗު ލަނޑެއް ނުޖެހި 0-0ގެ ނަތީޖާ އަކުން އެއްވަރު ވެގެން ނިމެއްޖެ އެވެ.
އިންހެން ޓީމުގައި ހިމެނޭ ކުޅުންތެރިއަކު މިއަދު 'ސަން' އަށް ބުނީ ބްޚްރެއިންގެ ކްލަބަކާ ދެކޮޅަށް އިއްޔަ ކުޅުނު އެ މެޗުގައި ރާއްޖޭގެ ޓީމުގެ ފަރާތުން ރަނގަޅު ކުޅުމެއް ދައްކާފައިވާ ކަމަށާއި ލަނޑު ޖަހާނެ ގިނަ ފުރުސަތުތަކެއް ވެސް ތަނަވަސް ކުރި ކަމަށެވެ.
ސާފް ގޭމްސް އަށް ފަރިތަކުރަމުންދާ ރާއްޖޭގެ އަންހެން ޓީމް ކުޅުނު ދެވަނަ މެޗުން އެއްވަރު ވެފައިވާ އިރު އެ ގައުމުގައި ކުޅުނު ފުރަތަމަ މެޗުން ބަޚްރޭންގެ ސީނިއާ ޓީމް އަތުން 4-0ގެ ނަތީޖާ އަކުން ރާއްޖޭގެ ގައުމީ ޓީމު ވަނީ ބަލިވެފަ އެވެ.
ބަޚްރޭންގައި ތަމްރީންތައް ފުރިހަމަ ކުރަމުންދާ އިރު އެ ގައުމުގައި ކުޅޭ ފަހު މެޗުގައި ގައުމީ ޓީމު މާދަމާ ބަޚްރޭންގެ ކުލަބަކާ ދެކޮޅަށް ނިކުންނަ އިރު މާދަމާރޭ ޓީމު ޔޫއޭއީއަށް ދާނެ އެވެ. އަދި އެގައުމާ ދެކޮޅަށް މެޗެއް ކުޅުމަށް ވަނީ ހަމަޖެހިފަ އެވެ.