ރިޔާސީ ލޯންޗުކޮޅުގައި ބޮމެއް ގޮއްވާލުމުގެ ހާދިސާއާ ގުޅުން އޮތް ކަމުގެ ތުހުމަތުގައި ހައްޔަރުކޮށްފައިވާ ނައިބު ރައީސް އަހްމަދު އަދީބު އަބްދުލް ޣަފޫރުގެ ބަންދުގެ މުއްދަތު 15 ދުވަހަށް އިތުރުކުރި އަމުރުގެ އިސްތިއުނާފު އަޑުއެހުންތައް މިއަދު ހައި ކޯޓުގައި ފަށަން ތައްޔާރުވެއްޖެ އެވެ.
އެނގިފައިވާ ގޮތުގައި އަދީބުގެ އިސްތިއުނާފު އަޑުއެހުން ހައި ކޯޓުގައި ފަށާނީ މިއަދު ހަވީރު އެވެ. ތަހުގީގީ ޖަލު ދޫނިދޫގައި ޖަލުގައި ބަންދުކޮށްފައި ހުރި އަދީބުގެ ބަންދުގެ މުއްދަތު 15 ދުވަހަށް ކްރިމިނަލް ކޯޓުން ޖަހާފައި ވަނީ އޭނާ ދޫނިދޫގައި ބަހައްޓައިގެން ވީޑިއޯ ކޮންފަރެންސް ކޯލެއް މެދުވެރިކޮށެވެ.
އަދީބާ ގާތް ގުޅުމެއް އޮންނަ، މޯލްޑިވްސް މާކެޓިން އެންޑް ޕީއާރް ކޯޕަރޭޝަން (އެމްއެމްޕީއާރުސީ)ގެ އެމްޑީގެ ބަންދުގެ މުއްދަތު ޖެހި އަމުރުގެ އިސްތިއުފު މައްސަލަ ވެސް ހައި ކޯޓުން ވަނީ ބަލައިގެންފަ އެވެ.
ޗައިނާއަށް ކުރެއްވި 11 ދުވަހުގެ ދަތުރުފުޅަށްފަހު މިދިޔަ މަހުގެ 24 ވަނަ ދުވަހު އެނބުރި ރާއްޖެ ވަޑައިގަތުމުން ނައިބު ރައީސް އަދީބު ހައްޔަރުކޮށްގެން ގެންދިޔައީ ދޫނިދޫއަށެވެ.