ރައީސުލްޖުމްހޫރިއްޔާގެ ނައިބު އަހުމަދު އަދީބު އަބްދުލް ޣަފޫރު ކެލާ ފުޓްސަލް ދަނޑު ރަސްމީކޮށް ހުޅުވާދެއްވައިފިއެވެ.
އެ ފުޓްސަލް ދަނޑުގެ ރަމްޒީ ތަޅުދަނޑި ކެލާ ކައުންސިލް އިދާރާ އާ ހަވާލުކޮށްދެއްވީ ނައިބު ރައީސް އަހުމަދު އަދީބެވެ.
ކެލާ ޒުވާނުންނަކީ މާލޭގައި ވަރަށް ގިނައިން ފުޓްސެލް މުބާރާތްތައް ބާއްވާ ބައެއް ކަމަށް އަދީބު ވިދާޅުވިއެވެ.
ކެލާ ފުޓުސަލް ދަނޑު ހުޅުވުމަށްފަހު ކުޅެމުންދާ މެޗުގެ ތެރެއިން ---- ފޮޓޯ: ރައީސް އޮފީސް
އެ ރަސްމިއްޔާތުގައި ވާހަކަދައްކަވަމުން ޔޫތު މިނިސްޓްރީގެ ޑެޕިއުޓީ މިނިސްޓަރު އަބްދުލް މުހްސިން ހަމީދު ވިދާޅުވީ، މި ސަރުކާރުން ޒުވާނުންނަށްޓަކައި ގިނަ މަސައްކަތްތައް ކުރަމުންދާ ކަމަށެވެ.
އަދި މިހާތަނަށް 30 ދަނޑު ނިންމާފައިވާ ކަަމަށް އަބްދުލް މުހުސިން ވިދާޅުވިއެވެ. އަދި 166 ރަށެއްގެ ބަށި ދަނޑުގެ މަސައްކަތް ވަރަށް އަވަހަށް ފެށޭނެ ކަމަށް ވެސް އޭނާ ވިދާޅުވިއެވެ.
ކެލާ ފުޓުސަލް ދަނޑު ހުޅުވުމަށްފަހު ކުޅެމުންދާ މެޗުގެ ތެރެއިން ---- ފޮޓޯ: ރައީސް އޮފީސް
އެ ރަސްމިއްޔާތުގައި ވާހަކަދައްކަވަމުން ކެލާ ދާއިރާގެ މެމްބަރު އަލީ އާރިފް ވިދާޅުވީ ހާބަރު ކަޑައެއްގައި އެ ރަށުގެ ޒުވާނުންނާއި ވައުދުވި ދަނޑު މިހާރު އެ އޮތީ ނިމިފައި ކަަމެށެވެ.